Tashmë është zyrtare. Filmi “Barbie” është hit i arkave filmike. Por, fenomeni i pop-kulturës po ashtu është duke i pushtuar toplistat muzikore.
Disa prej këngëve që shërbejnë si kolonë zanore të filmit po i kryesojnë toplistat në Britani të Madhe, teksa obsesioni për personazhin Barbie po e kaplon vendin në çdo cep.
Duke kryesuar është hiti i yllit tonë Dua Lipa, “Dance The Night”, njëherësh kënga kryesore nga “Barbie: The Album”. Kjo këngë aktualisht gjendet në vendin e tretë të toplistës, menjëherë pas hiteve “Sprinter” nga Dave dhe Central Cee, dhe “Vampire” nga Olivia Rodrigo.
Mundesh me e lexu edhe…
Pas saj vijnë yjet Nicki Minaj dhe Ice Spice me këngën “Barbie World”, Billie Eilish me “What Was I Made For” dhe Charli XCX me “Speed Drive”.
Gjithashtu është vënë re një ngritje në pozitë e këngës origjinale të vitit 1997, “Barbie Girl” nga grupi “Aqua”.
Producent ekzekutiv i “Barbie: The Album” është tekstshkruesi dhe producenti i shpërblyer me “Oscar”, Mark Ronson, dhe në të përfshihen këngë të realizuara edhe nga këngëtarë tjerë të famshëm si, Lizzo, Fifty Fifty, Kali, Gayle, Khalid, Haim dhe Ava Max./Katror.info
Përgatiti:
