Në një studim amerikan me 192,000 pjesëmarrës, konsumimi i pesë porcioneve çokollatë të zezë në javë u lidh me një rrezik më të ulët për zhvillimin e diabetit të tipit 2.
Në të kundërt, konsumimi i çokollatës së qumështit nuk tregoi asnjë efekt mbrojtës dhe madje lidhej me shtim në peshë.
Studimi, i cili përfshiu 34 vite të dhëna dhe mbi 18,000 raste të diabetit të tipit 2, tregoi se çokollata e zezë, veçanërisht ajo me përmbajtje kakaoje 70% ose më shumë, mund të përfshihet në një dietë të shëndetshme, shkruan Good News Network, përcjell Katror.info.
Mundesh me e lexu edhe…
Së pari, duhet kuptuar që ky studim është një terren i përshtatshëm për një fenomen të njohur në literaturën shkencore si ‘paragjykimi i përdoruesit të shëndetshëm.
‘Thënë thjesht, njerëzit që kujdesen për shëndetin e tyre kanë më shumë gjasa të zgjedhin çokollatën e zezë, për shkak të përmbajtjes më të ulët të sheqerit, ndërsa ata që nuk i kushtojnë shumë rëndësi sheqerit në dietë ka më shumë gjasa të mos shqetësohen për llojin e çokollatës që konsumojnë.
Gjithashtu, 192,000 pjesëmarrësit ishin infermierë dhe profesionistë të shëndetit, një grup që ka më shumë gjasa të jetë i ndërgjegjshëm për rreziqet e sheqerit të shtuar në ushqim.
Megjithëse autorët e studimit, botuar në British Medical Journal, raportuan se rezultatet janë përshtatur për faktorë dietal, personal dhe të stilit të jetesës, paragjykimi i përdoruesit të shëndetshëm mund të manifestohet në mënyra të tjera. Për më tepër, të dhënat mbi dietën e pjesëmarrësve u mblodhën përmes pyetësorëve të shpeshtësisë ushqimore, të cilët shpesh përmbajnë të dhëna jo të sakta, pasi pjesëmarrësit priren të raportojnë atë që mendojnë ose dëshirojnë të perceptohen se konsumojnë, dhe jo atë që konsumojnë realisht.
Këto sfida nuk lidhen vetëm me këtë studim mbi çokollatën, por me pjesën më të madhe të literaturës ushqimore, pasi njerëzit zakonisht nuk kanë kohë ose dëshirë të angazhohen në një eksperiment të kontrolluar të mirëfilltë, që do të siguronte të dhënat më të sakta mjekësore.
Megjithatë, edhe me këto kufizime, studimi tregoi një ulje prej 21% të rrezikut për zhvillimin e diabetit të tipit 2 – çrregullimi më i përhapur metabolik në SHBA dhe botë te konsumuesit e çokollatës së zezë në krahasim me ata që konsumonin çokollatë të qumështit.
Një pikë e fortë e studimit ishte gjetja se konsumimi i 5 ose më shumë porcioneve çokollatë të zezë në javë lidhej me një ulje prej 10% të rrezikut për diabet të tipit 2, krahasuar me ata që nuk konsumonin fare çokollatë.
Edhe pse kjo mund të lidhet me zgjedhjen e opsioneve më pak të ëmbla, si akullorja me vanilje, kjo gjithashtu mund të tregojë një ndikim më të madh, që nuk është vetëm rastësi.
Një tjetër forcë e studimit ishte identifikimi i një përgjigjeje të varur nga doza, ku çdo porcion shtesë çokollatë e zezë në javë lidhej me një ulje prej 3% të rrezikut për zhvillimin e diabetit të tipit 2.
Kjo mbështet idenë se një përbërës organik, flavanolet – të cilat nuk gjenden në ëmbëlsirat e përpunuara – mund të jenë faktor mbrojtës. Flavanolet janë kimikate bimore me veprim antioksidues, si quercetin, i cili ndihmon në uljen e inflamacionit, presionit të gjakut dhe në përmirësimin e shëndetit të përgjithshëm kardiovaskular.
Deri tani, disa studime sugjerojnë përfitime për shëndetin e zemrës nga flavanolet, por nevojiten kërkime të mëtejshme. Si udhëzues i thjeshtë, konsumatorët mund të zgjedhin më shumë çokollatë të zezë dhe më pak çokollatë të qumështit për një dietë më të shëndetshme. /Katror.info
Përgatiti:
