Komisioni Qendror i Zgjedhjeve ka miratuar të shtunën certifikimin e listës së votuesve për zgjedhjet lokale që do të mbahen më 12 tetor 2025. Vendimi u mor me shumicë votash, ndërsa kundër ishte vetëm anëtarja e Listës Serbe, Gordana Llaban.
Zëdhënësi i KQZ-së, Valmir Elezi, njoftoi se numri i përgjithshëm i qytetarëve me të drejtë vote në këto zgjedhje është 2,069,098.
“Sipas të dhënave nga Lista Votuese, numri i qytetarëve me të drejtë vote në vendvotime, në Republikën e Kosovës, është 2,025,105, ndërkaq numri i qytetarëve që janë regjistruar për të votuar me postë nga jashtë Kosovës është 43,993 votues”, tha Elezi.
Mundesh me e lexu edhe…
Procesi zgjedhor do të zhvillohet në gjithsej 938 Qendra të Votimit me 2,625 vendvotime, ku përfshihen: 910 Qendra të Votimit për votimin e rregullt me 2,571 vendvotime, dhe 38 Qendra të Votimit për votimin me kusht me gjithsej 54 vendvotime.
Zgjedhjet lokale të tetorit do të mbahen për Kryetarë të Komunave dhe përbërjen e re të Kuvendeve Komunale në të gjithë vendin./Katror.info
Përgatiti:
