Në një hap domethënës drejt mbështetjes së të rinjve dhe rrugës së tyre akademike, kryeqyteti ka ndarë 96 bursa për studentët më të dalluar.
Në një ceremoni të veçantë, kryetari i Komunës së Prishtinës, së bashku me drejtorin e Arsimit, Samir Shahini, nderuan punën dhe përkushtimin e studentëve që kanë spikatur në rezultatet e tyre dhe në përpjekjet drejt dijes, shkruan Katror.info.
Kryetari i Prishtinës, Përparim Rama, ka shkruar se kryeqyteti vazhdon të qëndrojë pranë të rinjve në rrugëtimin e tyre akademik.
Mundesh me e lexu edhe…
Ai ka bërë të ditur se janë ndarë 96 bursa për studentët më të dalluar, si formë mbështetjeje për përkushtimin dhe suksesin e tyre në arsim.
”Bashkë me drejtorin e Arsimit, Samir Shahini, ndamë 96 bursa për studentët më të dalluar të Kryeqytetit, si mbështetje konkrete për përpjekjet e tyre në rrugën drejt dijes dhe suksesit. Këto bursa janë më shumë se ndihmë financiare, janë vlerësim për përkushtimin, disiplinën dhe talentin që të rinjtë tanë po tregojnë çdo ditë”, theksoi ai.
Në fund, kryetari Përparim Rama shprehu krenarinë e tij për të gjithë të rinjtë dhe të rejat që u vlerësuan, duke theksuar se ata janë forca që e çon kryeqytetin përpara. /Katror.info
Përgatiti:
