Kur Michelangelo filloi t’i jepte formë mermerit për ta krijuar Davidin, ai kurrë nuk mund ta imagjinonte se disa vjet më vonë një artist tjetër do të ndiqte gjurmët e tij, vetëm se këtë do ta bënte me kube Lego.Një ekspozitë e re e artit, e krijuar nga ato kube të vogla lodrash po hapet në Londër.
Kubet e vogla të Legos po dalin nga një trup i ndërtuar po ashtu me Legos.
Kjo skulpturë është një nga më të njohurat e ekspozuar në ekspozitën “Arti i tullave”, që mbahet në Brick Lane të Londrës.
Mundesh me e lexu edhe…
Është një homazh për atë bllok të vogël ndërtimi, i cili zbukuron kaq shumë kuti lodrash për fëmijë.
Por kjo ekspozitë ka shkuar pak më larg se fletushkat e udhëzimeve të lodrave Lego.
Në vend të një ndërtimi të thjeshtë, këtu ka më shumë se 100 vepra arti, të krijuara nga mbi 1 milion kube Lego.
Për ndërtimin e skulpturës “Red Guy Sitting” u deshën 21 mijë kube.
Të gjitha këto janë vepra të artistit Nathan Sawaya, amerikan që hoqi dorë nga karriera në drejtësi për ta ndjekur pasionin e tij të vërtetë: Legon.
Dhe ai beson se ajo që krijon lidhet me audiencën në një mënyrë që arti tradicional nuk mund ta bëjë.
“Njerëzit e njohin atë si një lodër, kështu që ata mund të lidhen me këtë lloj arti pothuajse në një nivel tjetër për shkak të atij familjariteti. Nëse dikush sheh një skulpturë mermeri, ata mund të lidhen me të, mund ta vlerësojnë atë, por ata nuk e kanë atë gjithherë në shtëpi. Të gjithë njerëzit nuk kanë skulptura mermeri, por ata mund të kenë kube Lego. Dhe kështu kjo i lejon njerëzit të lidhen me këtë lloj arti”.
Dëshironi një skulpturë klasike, por doni ta bëni atë me Lego? Ky është vendi ku mund ta bëni këtë.
Nga “Augustus of Prima Porta” e Romës së Lashtë, te Davidi i Michelangelos, artisti është më se i lumtur të frymëzohet nga të mëdhenjtë.
Çelësi për të ekzekutuar me sukses këto figura komplekse është planifikimi. Me një gabim të vogël e tëra mund të shkojë keq./Katror.info
Përgatiti:
