Pirja e duhanit tani është ndaluar në ambiente të jashtme dhe publike në qytetin e dytë më të madh të Italisë, Milano. Ndalimi në mbarë qytetin hyn në fuqi duke filluar nga 1 janari, duke bërë që ky të jetë ndalimi më i rreptë deri më tani për pirjen e duhanit në kryeqytetin italian të modës.
Dhe ata që shkelin ligjet e reja mund t’i nënshtrohen gjobave që variojnë nga 40 deri në 240 euro. Zyrtarët lokalë thonë se masa zbatohet për “të gjitha hapësirat publike, duke përfshirë rrugët”, por megjithatë ofron një përjashtim për “disa vende të izoluara”.
Ata që pinë duhan në ato hapësira mund të pinë duhan jashtë, por duhet të mbajnë një distancë prej të paktën 10 metrash nga njerëzit e tjerë. Ndalimi është i fundit në një iniciativë të nisur në vitin 2021 që synon përmirësimin e cilësisë së ajrit të qytetit.
Zyrtarët thonë se motivi pas kësaj është mbrojtja e shëndetit të qytetarëve nga efektet e dëmshme të tymit pasiv të thithur nga joduhanpirësit në hapësirat publike, veçanërisht ato të frekuentuara nga fëmijët. Ndalimi megjithatë nuk zbatohet për cigaret elektronike, më të njohura si vape ose e-cigare. /Katror.info
Përgatiti:
