Muffins-at janë nji prej atyne recetave që po ua morre dorën nji herë, ma nuk ndalesh s’gatumi e eksperimentumi. Prandaj edhe llogariten si nji prej gatesave favorite t’shumë prej nesh; veçanarisht fëmijëve, por edhe neve që s’e pranojmë që i kemi ba do vjet. E ku ka ma mirë se me hangër pjekurina t’shpisë, sidomos nëse pjekurinat janë t’ambla e plot shije, sikurse janë muffins-at e ndryshëm t’cilët mundesh me i përgatitë lehtë e me pak harxh, nuk marrin shumë kohë dhe mundesh me ba kombinime t’ndryshme.
Ti mundesh me ja nisë vikendit mbarë e ambël me muffins-at me mak e limon; muffins-a këta që sa llogariten ambëlsina, po aq llogariten edhe gatesa mëngjesi, veçanarisht n’kulturën amerikane. Kështu, përzirja e makut me limon, definitivisht asht kombinim që nuk dështon, sidomos nëse i ndjekë udhëzimet tona.
PËRBËRËSIT PËR MUFFINS:
3 gota miell
1 gota sheqer pluhun
3 lugë gjelle fara mak
1 lugë gjelle pluhur për pjekje / pecivë
1/2 lugë çaji sodë buke / sodë bikarboni
1/2 lugë çaji kripë
1 e 1/2 kos
2 ve
1 lugë gjelle lëvore limoni (e grirë)
8 lugë gjalpë (e zbutun)
PËRBËRËSIT PËR GLLAZURËN:
1/4 gotë sheqer pluhun
1/4 gotë lang limoni
Mundesh me e lexu edhe…
HAPI 1:
Para se t’fillosh me përgatitjen, nxeje furrën n’200 C. Vendos letra për muffins n’tepsinë me kallëp për 12 copë, e pastaj n’enë t’thellë shto t’gjithë përbërësit e thatë; miellin, pecivën, sodën e bukës, shqerin e kripën bashk me mak.
- Advertisement -
HAPI 2:
N’enë shto edhe përbërësit e langshëm; vezët, kosin dhe gjalpin bashk me lëvoret e limonit dhe fillo përzije masën deri sa krejt masa t’jetë e njitrajtshme.
HAPI 3:
Nisja mbushi kallëpët e muffins-ave deri n’2/3 e letrës.
- Advertisement -
HAPI 4:
Vendose tepsinë n’furrën që paraprakisht e ke nxe dhe pjeki për 25-30 minuta n’200ºC – deri sa sipërfaqja ta marrë ngjyrën e artë. Largoji muffins prej furrës, leji me u ftohë për 5 minuta.
HAPI 5:
N’nji enë trazo sheqerin pluhun me langun e shtrydhun t’limonit deri sa t’krijohet nji masë shërbeti. Me brushë për gatim lyji sipër muffins-at me gllazurën e krijjume. Leji muffins-at me u ftohë për nja 20 minuta dhe servo.
REZULTATI:
Vehtën e t’rritunit shërbeji me nga nji muffins e nji filxhan kafe, kurse fëmijët shërbeji me nji muffins t’shoqnum me nji gotë qumësht ose kakao. Ti mundesh poashtu për mëngjes me i shoqnu këta muffins edhe me ndonji smoothie; smoothie me dredhëza dhe kungulleshë, apo smoothie me avokado dhe hurma janë rekomandimet tona kësaj radhe.
Ndërkaq, nëse je n’kërkim t’ideve t’tjera t’mëngjeseve interesante, ne patjetër që t’sygjerojmë me e provu 1 prej 3 muffins-ave t’mëngjesit.; muffins këto t’cilat mundesh me i përgatitë gjatë vikendit ose mëngjeseve, me i hangër, por edhe me i marrë me vehte n’punë, ose me ua paketu picimulëve për shkollë.
E mbasi veç asht vikend e shumëkush çohet ma vonë, ne kemi mendu edhe për 3 pjata ideale për “Brunch” t’cilat lehtësisht mundesh me i adaptu sipas shijeve t’tua. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
- Advertisement -
