Sot do të fillojë edicioni i dytë i Festivalit të Teatrit për Fëmijë “Fëmijët në Teatër”, i cili do të mbahet në teatrin “Muharrem Qena” në Mitrovicë.
Ky festival do të zgjasë dy ditë, më 17 dhe 18 prill.
Gjatë këtyre dy ditëve do të zhvillohen dy shfaqje për fëmijë, të shoqëruara me këngë, lojë, ngjyra dhe emocione të bukura.
Mundesh me e lexu edhe…
Sipas njoftimit, sot në orën 11:00 do të jepet shfaqja “Tregimet e Mamësgjyshe”, në të cilën do të luajnë Jehona Gashi dhe Faris Berisha.
Ndërsa, të premtën në orën 13:00 do të zhvillohet shfaqja “Rojtari i vreshtave”, në të cilën do të luajnë Ali Krasniqi, Sherif Bega dhe Arben Marevci.
Organizatorja e festivalit, Albana Muja, ka thënë se pas edicionit të parë, e kanë menduar rikthimin me edicionin e dytë në mënyrë që të vazhdojnë tradicionalisht këtë festival.
“Jam shumë e lumtur që ky festival tashmë po vazhdon rrugëtimin për t’u bërë tradicional, me ndihmën e Ministrisë së Kulturës, Rinisë dhe Sporteve, si dhe me përkrahjen e Teatrit të qytetit të Mitrovicës ‘Muharrem Qena’”, ka thënë Muja, shkruan Telegrafi.
Ajo ka bërë të ditur se bashkëpunëtorët e festivalit janë: Marigona Bekteshi, në cilësinë e udhëheqëses artistike, si dhe Labinot Lajçi, nën organizimin e tij./Katror.info
