Pjesëmarrja e klubeve kosovare në garat evropiane, veçanërisht në Ligën e Konferencës, po shihet si një hap i rëndësishëm në afirmimin e futbollit të vendit tonë.
Suksesi në arenën ndërkombëtare jo vetëm që rrit imazhin e klubeve, por ndikon edhe pozitivisht në koeficientin e Kosovës në UEFA.
Analistët dhe gazetarët sportivë theksojnë se përveç prestigjit, pjesëmarrja në Evropë sjell edhe përfitime financiare të konsiderueshme për klubet.
Mundesh me e lexu edhe…
Trajneri dhe analisti Ajet Shosholli thotë për KosovaPress se për shkak të pjesëmarrjes në garat evropiane, futbolli i Kosovës tashmë është i renditur më lartë në UEFA se sa vendet e regjionit.
Sipas analistit Lulzim Shala, klubet – me paraqitjet e tyre në Evropë – po e mbushin edhe arkën e tyre dhe kështu po kalojnë në një nivel tjetër edhe në aspektin e stabilitetit financiar.
Megjithatë, gazetari i sportit, Bujar Mehmeti, konsideron se klubet kosovare nuk e kanë shfrytëzuar në mënyrën më të mirë të mundshme daljen në Evropë. Sipas tij, ato kanë mundur të bëjnë edhe më shumë.
Në këtë edicion – megjithëse rrugëtimi i futbollit kosovar në Evropë nisi me katër skuadra – ka mbetur vetëm Drita e cila ka arritur të kualifikohet në fazën e grupeve të Ligës së Konferencës, aty ku do të ballafaqohet me skuadra si Rayo Valecano, Az Alkmaar, Shkëndija, Shelbourne, Omonia dhe KuPS KUOPIO./KP
Përgatiti:
