A ke ra n’hall se çka me gatu për drekë? – Ne e kemi idenë gati, ty pos t’mbetet me i përvjelë mangët e me ja kushtu nji gjysmë orësh njanës prej pjatave ma t’shijshme e ma t’mira t’kuzhinës Italiane; Penne Arabiata-s.
E njoftun për shijen e lehtë e t’freskët t’domateve t’ziera n’vaj ullini e borzilok, por edhe djegëstinë e specit t’kuq – Penne Arabiata asht krejt çka t’duhet mbas nji dite t’lodhshme e plot stres n’punë. E qysh e kemi ne merak e zakon me thanë; Meraku asht ai që e ban diferencën po i ndjeke 3 hapat tonë.
PËRBËRËSIT:
1 sos domatesh (me copëza t’domateve)
1 paketim makarona Penne
1/4 gotë vaj ullini
4 thelpinj hudhër (t’grira)
1 lugë gjelle pastë domatesh (tomato paste)
1 lugë çaji kripë
1/2 lugë çaji piper i zi
2 degë borzilok të freskët
1 spec i kuq pikant (i imtësum)
HAPI 1:
Shto sosin e domateve, domatet e imtësume, borzilokun, erëzat, hudhrën e vajin e ullirit bashk me specin pikant n’tigan dhe ziji për 20 minuta.
Mundesh me e lexu edhe…
HAPI 2:
Mbas 20 minutave, shto n’ujë t’vlumë me kripë makaronat dhe ziji për 10 minuta. Kulloji mirë, mirëpo ruaje nji gotë ujë makaronash. N’ndërkohë sosin zije tutje dhe përzije kohë pas kohe.
HAPI 3:
Shto pastat e kullume n’tiganin me sos. Përziji mirë e ziji për 3 minuta bashk me salcën dhe pak ujë makaronash. Servo n’pjatë e lirisht shtoji edhe pak parmezan t’grirë sipër penneve n’daq me u shkri krejt.
REZULTATI:
Senet e mira s’kanë pse me qenë t’komplikume, e këtë ma s’miri e dëshmon kjo recetë fenomenale, që po e provove nuk t’e ke ndrru ma.
Për receta italiane me domate e tomatina, mos e le pa i provu brusketat tona klasike italiane, brusketat kapreze, e pse jo edhe pastat me tomatina t’pjekuna. Kurse, nëse je n’kërkim t’recetave verore; freskuese e plot shije, atëherë jepja ni shancë sallatës me bostan dhe djathë feta, “Waldorf” sallatës me kokrra rrushi, apo sallatës t’përzier me super-zarzevate – t’gjitha këto super-pjata e që janë sa t’lehta e t’shpejta me u përgatitë, po aq edhe t’shijshme dhe unike. Shijo! /katror.info/
Përgatiti:
