Priam Rrapi, gjeniu tre vjeçar që shkëlqen në matematikë dhe lexim!

Priam Rrapi, djaloshi 3-vjeçar nga Shqipëria, po mahnit të gjithë me aftësitë e tij të jashtëzakonshme.

Ai nuk ndalet vetëm tek mësimi i shifrave bazike, por ka arritur të përvetësojë edhe veprime matematikore të avancuara për moshën e tij si mbledhje, zbritje dhe shumëzim.

Përveç matematikës, Priami shkëlqen edhe në lexim, duke lexuar fjalë dhe fjali me një qartësi që tejkalon moshën e tij të vogël.

Prindërit e Priamit kanë treguar se talenti i tij filloi të dallohej që në moshën dyvjeçare. Ai shfaqte një kuriozitet të jashtëzakonshëm për numrat dhe librat, duke kaluar shumë kohë duke eksploruar materiale edukative që shpesh konsiderohen për moshë shumë më të madhe.

Aftësitë e tij u zhvilluan natyrshëm, me mbështetjen e prindërve që vendosën të ndihmojnë pa e detyruar.

Në një video të publikuar nga ABC News, Priami shihet duke kryer veprime matematikore si mbledhje dhe zbritje me saktësi dhe shpejtësi të pabesueshme. Ai gjithashtu lexon fjalë dhe fjali pa asnjë vështirësi, një aftësi e jashtëzakonshme për një fëmijë në moshën e tij.

Performanca e tij ka lënë të mahnitur jo vetëm prindërit dhe miqtë, por edhe ekspertët që kanë pasur rastin të dëgjojnë për historinë e tij.

Roli i prindërve në suksesin e tij

Prindërit e Priamit janë mbështetësit e tij më të mëdhenj. Ata theksojnë se kurrë nuk e kanë detyruar të mësojë, por kanë krijuar një mjedis të përshtatshëm që e ka ndihmuar të zhvillojë talentin e tij.

Sipas tyre, gjithçka ka nisur nga kurioziteti natyral i Priamit, i cili shpesh kërkonte vetë të mësonte më shumë.

“Nuk e kemi shtyrë asnjëherë, gjithçka ka ardhur natyrshëm, ai është gjithmonë i interesuar dhe kërkon të mësojë më shumë,” tregon nëna e tij.

Nëna e tij gjithashtu tregon se ai është shumë i interesuar edhe për gatimin, dhe ‘ don që të trazojë dhe ky ushqime’, andaj ai është gjithmonë në kuzhinë kur nëna e tij gatuan.

Ndërsa, për babain, Priami është një burim krenarie. Ai ka mësuar nga i ati për llogaritë matematikore, me të cilin çdo mbrëmje praktikojnë së bashku detyra dhe ushtrime nga matematika.

Ai gjithashtu theksoi se Priami para dy viteve kishte shfaqur interesim për të ndihmuar babain për të kryer llogaritë e tij të punës, kryesisht mbledhjen e numrave.

Për ta, është e rëndësishme që Priami të ruajë një ekuilibër mes zhvillimit të aftësive të tij dhe një fëmijërie të lumtur e të natyrshme.

Një shembull frymëzimi për të gjithë

Aftësitë e Priamit nuk janë vetëm dëshmi e talentit të tij natyror, por edhe një frymëzim për prindërit dhe edukatorët që synojnë të ndihmojnë fëmijët të zbulojnë potencialin e tyre.

Në botën e sotme dinamike, ku edukimi luan një rol kyç, Priami na kujton se aftësitë dhe talentet unike mund të shfaqen në moshat më të hershme dhe se mbështetja e duhur mund të bëjë një ndryshim të madh.

Me një të ardhme që duket jashtëzakonisht premtuese, Priam Rrapi është një shembull i asaj që ndodh kur talenti natyror ndërthuret me një mbështetje të fortë familjare.

Për momentin, ai vazhdon të shijojë ‘hulumtimin’ e numrave dhe fjalëve, ndërsa prindërit e tij sigurojnë që ai të ketë lirinë dhe gëzimin që meriton çdo fëmijë në moshën e tij.

Për shumëkënd, Priami është një gjeni i vogël; për prindërit e tij, ai është thjesht një djalosh kurioz dhe i dashur, me një të ardhme të ndritur përpara.

Kjo histori frymëzuese nënvizon rëndësinë e pasionit dhe mbështetjes në zhvillimin e talentit, duke na shtyrë të reflektojmë mbi mënyrat më të mira për të nxitur potencialin e fëmijëve. /Katror.info