Muaji janar shpesh perceptohet si momenti ideal për të marrë vendime të mëdha – si ndryshimi i karrierës apo blerja e një shtëpie.
Pushimet dhe koha me të dashurit nxisin reflektime, por a është kjo periudha më e përshtatshme për vendimmarrje? Ekspertët tregojnë se disponimi ndikon ndjeshëm në cilësinë e vendimeve tona, shkruan BBC, përcjell Katror.info.
Gjatë dimrit, shumë njerëz përjetojnë humor më të ulët ose madje çrregullim emocional sezonal (SAD), që prek rreth 10% të popullsisë në gjerësitë veriore.
Mundesh me e lexu edhe…
Një studim tregon se njerëzit me SAD janë më konservatorë në vendimet financiare gjatë dimrit, duke shmangur rrezikun.
Nga ana tjetër, individët në humor optimist shpesh kanë prirje për “paragjykim optimist,” duke nënvlerësuar rreziqet dhe duke mbivlerësuar suksesin e mundshëm.
Kjo mund t’i ndihmojë në realizimin e qëllimeve, por edhe t’i shtyjë drejt vendimeve të pamenduara mirë.
Pra, kur është koha më e mirë për të marrë vendime?
Për vendime që përfshijnë rrezik minimal, mund të jetë më mirë të prisni verën, kur disponimi është më i ngritur.
Por për vendime që kërkojnë kujdes dhe një këndvështrim realist, dimri mund të jetë më i përshtatshëm.
Nëse jeni të pavendosur, pritja deri në një periudhë me humor më të lehtë mund të sjellë qartësi dhe siguri. Në fund, koha ideale varet nga lloji i vendimit dhe disponimi juaj personal. /Katror.info
Përgatiti:
