Gen Z ka mbaruar punë me oversharing dhe ky “social media glow-down” ishte i domosdoshëm.
Të gjithë e kemi vënë re. Feed-et e Instagram-it, dikur të mbushura me foto të përditshme, throwback pushimesh dhe selfie të pafundme, tani janë më të qeta, të kuruara dhe pak më të qëllimshme. Story-t janë më të shkurtra, postimet më të rralla, dhe miqtë që dikur dokumentonin çdo moment të jetës së tyre janë papritmas më të heshtur. Ajo që dikur dukej si një scroll i vazhdueshëm i momenteve të mira tani ka copa qetësie dhe është e pamundur të mos e vëresh, shkruan TP.
Mirësevini në modën e re digjitale, ku fokusi është të postosh më pak dhe të jetosh më shumë.
Mundesh me e lexu edhe…
Edhe pse Gen Z duket se po udhëheq këtë ndryshim, ata nuk janë plotësisht anti-rrjete sociale. Ne ende bëjmë scroll, bëjmë double-tap dhe ndajmë reels si një formë terapie. Por mënyra se si angazhohemi online po ndryshon. Presioni i vazhdueshëm për të kuruar feed-in perfekt, është e lodhshme. Nuk ka nevojë që çdo mendim, veshje apo selfie nga brunch-i të bëhet pjesë e përjetësisë online. Këtë e kemi kuptuar. Prandaj po përqendrohemi tek autenticiteti. Tani fokusi ynë është tek momentet e shkurtra që kanë vlerë dhe tek detox-i digjital kur ka nevojë.
Ky ngadalësim nuk është thjesht personal, është kulturor. Brand-et, influencerët, madje edhe të famshmit po vënë re që audiencat kërkojnë thellësi mbi sasinë, cilësi mbi volum. Rrjetet sociale nuk janë më thjesht për të ndar, janë për të zgjedhur çfarë të ndash. Të postosh më pak nuk do të thotë të jetosh më pak; për shumë prej nesh, është e kundërta.
Shëndeti mendor dhe butoni pauzë
Një tjetër arsye për këtë ndryshim kulturor është shëndeti mendor. Postimi i vazhdueshëm dhe krahasimi me të tjerët mund të jetë lodhës. Duke postuar më pak, njerëzit largohen nga “hamster wheel” i vlerësimit./Katror.info
