Me çmimet n’rritje e sipër, por edhe koston e lartë t’jetesës n’përgjithësi, secili kemi fillu me shqyrtu mundësi ma ekonomike t’përgatitjes t’ushqimit. E ne për këtë arsye po provojmë me sjellë receta që janë t’lehta, t’shpejta dhe t’përshtatshme për ma shumë vakte – njilloj sikurse asht receta e radhës.
Sanduiçin mediteran kësaj radhe po ua dedikojmë meraklive t’ushqimit t’shnetshëm dhe vegjetarianëve. E nëse je njani/a prej tyre, atëherë këtë sanduiç mundesh lehtë e shpejt me e ba gati, qoftë për mëngjes, apo edhe për pauzë. Madje edhe fëmijëve mundesh me ua ba gati për shkollë. Krejt këtë shujtë simpatike mundesh me e kriju n’3 hapa t’thjeshtë.
PËRBËRËSIT (servimi për 2):
4 rriska bukë thekre / integrale
4 lugë gjelle humus
1/4 qepë e kuqe (e prerë n’rrathë t’holla)
4 rriska djathë feta (i prerë n’rriska t’holla)
4 rriska spec i kuq (i prerë n’rriska t’holla)
1 kastravec (i prerë n’rriska t’holla)
1 grusht spinaq i freskët
1 grusht ullinj kallamata (pa fara)
2 lugë gjelle fafarona (t’prerë n’rriska)
HAPI 1:
Secilën rriskë buke lyje me nga 1 lugë gjelle humus dhe sigurohu me e përhapë humusin n’tanë sipërfaqen e rriskës.
Mundesh me e lexu edhe…
HAPI 2:
Shto gjetet e spinaqit n’2 rriskat kryesore, shto specat, qepën, ullinjt dhe fafaronat. Leji 2 rriskat e tjera t’zbrazëta.
HAPI 3:
Krejt n’fund shto rriskat e kastravecave sipër rriskave t’mbushuna me harxh dhe vendosi rriskat e thata sipër.
REZULTATI:
Haje sanduiçin menjiherë, apo mbështjelle n’letër gatimit ose folie alumini e vendose n’frigorifer e merre me vehte n’punë apo baja gati fëmijëve për shkollë.
Sanduiçin mundesh me e shoqnu me nji lang t’freskët t’mollës t’gjelbër t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vehte njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa e provu sanduiçin me sallatë vezësh, ose sanduiçin me pesto dhe mocarellë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
