Kosova më 2025-ën do të ketë “3.6 miliardë arsye” për të planifikuar më mirë! Kuvendi miratoi buxhetin e ri dhe tani shtrohet pyetja: a do të mbahet premtimi per zhvillim, apo do të kemi ende rrugë të mbushura me gropa?
Kuvendi i Kosovës miratoi më 20 nëntor, buxhetin për vitin 2025 në vlerë prej 3.6 miliardë eurosh, qe është për 9 për qind më i lartë krahasuar me atë të vitit 2024.
Pjesa më e madhe e këtij buxheti ndahet për:
Mundesh me e lexu edhe…
Subvencione dhe transfere: 1 miliard e 155 milionë euro.
Investime kapitale: 930 milionë euro.
Paga dhe shtesa: 916 milionë euro.
Mallra dhe shërbime: 501 milionë euro.
Sipas ligjit për buxhetin, disa nga pikat kryesore për vitin 2025 janë:
Investime në Infrastrukturë dhe Zhvillim:
Zona Ekonomike: 7.7 milionë euro.
Mbikalime dhe nënkalime: 1 milion euro.
Rehabilitim i rrugëve: 66 milionë euro.
Ndërtim rrugësh të reja: 28.7 milionë euro.
Investime në Shëndetësi dhe Arsim:
Qendrat Kryesore të Mjekësisë Familjare (QKMF):
Ferizaj: 950 mijë euro.
Istog: 650 mijë euro.
Drenas: 980 mijë euro.
Shtime: 300 mijë euro.
Fushë Kosovë: 700 mijë euro.
Spitali në Ferizaj: 6.7 milionë euro.
Çerdhe dhe shkolla: 35 milionë euro, duke përfshirë çerdhe modulare në qytete kryesore.
Siguri dhe Polici:
Automjete të blinduara dhe speciale: 3.7 milionë euro.
Armë dhe pajisje speciale: 2.8 milionë euro.
Pajisje për sigurinë kufitare: 800 mijë euro.
Automjete transporti: 3.45 milionë euro.
Pajisje logjistike: 3.7 milionë euro.
Diplomaci:
Blerje të ambasadave jashtë vendit: 10.2 milionë euro.
Këshilli i Sigurisë:
Hapësira mbështetëse: 1.5 milionë euro.
Këto janë shifrat zyrtare të publikuara nga institucionet e Kosovës. Transparenca dhe zbatimi i këtij buxheti do të jenë kyçe për realizimin e projekteve të planifikuara dhe për të garantuar që fondet të përdoren në mënyrë efikase.
3.6 miliardë euro është një shumë e madhe! Por, qytetarët do të duhej t’i mbajnë sytë katër për t’u siguruar që asnjë cent të mos shkojë dëm. Sepse, siç thuhet: paratë flasin – por a do të flasë buxheti? Kjo mbetet për t’u parë! /Katror.info
Përgatiti:
