Nëse veç je ka i shqyrton opsionet se çka me përgatitë për drekë a darkë, ne e kemi nji super-recetë për ty edhe jemi t’bindun që po e provove, ke me e përgatitë ma shpesh se sa që mundet me ta marrë mendja.
Ideale për drekë a darkë, supae pulës me perime asht e pasun me vlera ushqyese t’bollshme, por asht edhe plot shije. Përzierja e pulës t;copëtume me perimet, thjerrëzat e erëzat t’cilat zihen bashk arrijnë me e kriju nji pjatë t’nxehtë unike e që s’don shumë mund. E nëse don me ta fshi edhe tjerët pjatën deri n’fund, mjafton me i ndjekë 3 hapat e maposhtëm.
PËRBËRËSIT:
2 lugë gjelle vaj ullini
1 qepë (e grirë)
2 karota (t’prera n’copëza)
2 trupa selino (t’grira)
2 thelpinj hudhra (t’grira)
2 gjoksa pule
1 e ½ lugë çaji trumzë e thatë
8 gota ujë
½ gotë oriz
2 domate (t’prera n’copëza)
1 kungulleshë (e prerë n\kubëza)
2 lugë gjelle kopër i frekët (i grirë)
2 lugë gjelle lang limoni
1 lugë çaji kripë
1 lugë çaji biber i zi
HAPI 1:
Shto qepën, karrotat, selinon dhe hudhrat n’tenxhere me vaj dhe kavërdisi për 5 minuta. Shto gjoksin e pulës.
Mundesh me e lexu edhe…
HAPI 2:
Kavërdise edhe gjoksin e pulës për 10 minuta. Shto ujin dhe erëzat dhe zije pulën me perimet për 25 minuta. Largo mishin, imtësoje me piru dhe ktheje prap n’tenxhere.
HAPI 3:
Shto perimet e mbetuna, mihshin e coptum’ t’pulës dhe zije masën bashk me oriz për 20 minuta. Shto langun e limonit, zije masën për 5 minuta t’tjera dhe servo.
REZULTATI:
Servo supën n’pjatë e shoqnoje me tortilla t’pjekuna, bukë ose pitalka t’nxehta, apo edhe me krutonë (copëza buke bajate t’rreshkuna n’furrë). E mbasi veç jemi tek supat plot shije, mos e le pa e provu krem-supën me lulelakër, supën me patate t’ambël, ose supën me domate – e cila asht plotësisht vegjetariane/vegane.
Ndërkaq, masi veç jemi tek recetat me pulë, ne t’rekomandojmë me i përgatitë edhe shnicllet e pulës ose qoftet e pulës; 2 receta këto që kombinohn perfekt me patatet e mbushura me kashkavall, ose me perimet e pjekuna n’furrë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
