Edicioni i 15-të I Prishtina International Film Festival – PriFest kulmoi të dielën në mbrëmje me ndarjen e çmimeve.
Çmimi kryesor i PriFest “Vjosa Berisha” iu dha filmit të regjisorit shqiptar Fisnik Maxville “Toka brenda meje” dhe filmit tjetër nga Bullgaria, “Blaga’s Lessons” nga regjisori Stephan Komandarev. Për disa ditë me radhë adhuruesit e filmit patën mundësi që të shohin një mori filmash të përzgjedhur vendorë, rajonalë dhe ndërkombëtarë, shkruan Katror.info.
Ndërsa, çmimi për filmin më të mirë të metrazhit të mesëm shkoi për filmin “Si në vaj”, prodhim i Zvicrës, me regji nga Aulona Selmani, derisa në rolin kryesor luan aktorja e njohur Ilire Vinca.
Mundesh me e lexu edhe…
Filmi “Home of the Heart” është një prodhim i Francës dhe fitoi çmimin special nga juria e PriFest-it.
Ndërkaq, çmimi për filmin më të mirë të shkurtë shkoi për filmin “Road Tripper”, prodhim i Francës.
Sa i përket aktorëve, çmimi për aktorin më të mirë shkoi për Edgar Morais dhe Rafael Morais, për rolin e tyre të jashtëzakonshëm në filmin “Një filxhan kafe dhe këpucë të reja veshur” me regji dhe skenar të Gentian Koçit. Ndërsa çmimin e ka marrë regjisori Gentian Koci, në mungesë të dy aktorëve.
Për arritjet me filmin e tij debutues “The Land Within”, Fisnik Maxville fiton çmimin regjisori më i mirë, së bashku me regjisorin tjetër, Stephan Komandarev me filmin nga Bullgaria, “Blaga’s Lessons”.
Ndërsa, aktorja më e mirë në PriFest “15” shpallet Eli Skorcheva. Ajo luan në filmin “Blaga’s Lessons”, i cili flet për një mësuese të pensionuar e cila ka mbetur e vejë, dhe së fundmi bie pre e një mashtrimi telefonik, duke i humbur kështu kursimet e jetës, ku edhe jeta e saj përmbyset kur e kupton se nuk ka asnjë mënyrë për t’i kthyer paratë e saj.
Mirëpo gjithçka ndryshon kur ajo merrë në kontrollë jetën e saj, këtë herë duke shfaqur atributin e saj më të çmuar: Vlerat e saj, pasi ajo transformohet ngadalë në mashtruese. Filmi është një dramë/thriller, nga regjisori Stephan Komandarev, i cili shpalos fuqinë femërore në instiktet e saj revolucionare.
Ky edicion i Festivalit Ndërkombëtar ‘PriFest’ kishte fokus Industrinë e Filmit nga Izraeli./Katror.info
Përgatiti:
