Që mëngjesi asht shujta kryesore asht tashmë fakt i ditun. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Mirëpo, jo krejt njerëzit e kanë disponimin n’nivel me u zgju e me përgatitë nji mëngjes t’bollshëm, kur ende i kanë sytë e trunin t’u ju flejtë, veçanarisht t’haneve, ku gjithëçka duket ma e vështirë e e randë për me u ba. Po shyqyr që na keni neve me u gajlu se çka mundeni me përgatitë ju n’shtëpitë e juja me sa ma pak harxh e mund!
Tortillat e mëngjesit janë ba tashma trend n’rrjete sociale prej shumë blogerëve e blogereve t’fitnesit e t’ushqimit – me t’drejtë; po ta jepin startin që nime t’duhet për me pasë nji ditë t’mirë e efektive. E ti mundesh me e nisë ditën me këtë super mëngjes t’u i ndjekë veç 2 hapa.
PËRBËRËSIT:
1 petë tortille
2 ve
2 lugë gjelle vaj ullini
2 lugë gjelle sos pikant, ose sos domatesh
1 grusht spinaq
40 gr kashkavall (I grirë)
1/2 avokado (E shtypun)
Kripë dhe biber (Opsionale)
Fara luledielli dhe fara kungulli (Opsionale)
HAPI 1:
Me pak kripë dhe biber rrehi vezët dhe fërzoji n’tigan me pak vaj ullini deri sa t’krijohet omleti ideal. Shto omletin n’qerekun e petës e sipër vendose sosin pikant / sosin e domateve, n’qerekun e dytë shto kashkavallin, n’t’tretin shto spinaqin dhe për fund vendos avokadon e shtypun n’qerekun e fundit. Preje petën prej mesit deri te gjysma e nji harku.
Mundesh me e lexu edhe…
HAPI 2:
Paloje petën n’2 palë dhe vendose n’tigan t’nxehtë. Rreshke n’t’dy anët për nga 2 minuta dhe servo.
REZULTATI:
Shtoji petës edhe fara kungulli e luledielli. Ky hap asht plotësisht opsional, mirëpo vërtetë i jep nji shije unike këtij mëngjesi e edhe t’pajisë me vlera ushqyese prej farave. Ndërkaq, për ekstra shije dhe vlera ushqyese, mos e le pa e provu edhe smoothie-n me spec t’kuq dhe dredhëza – smoothie ky që ka me t’pajisë me vitaminë C, por edhe ka me t’shiju shumë.
Ngjashëm ti poashtu mundesh me e përgatitë edhe tortillën e mëngjesit me ve dhe avokado bashk me smoothie-n me manaferra dhe mollë e me marrë me vehte qoftë n’pauzë, qoftë me ua ba gati fëmijëve për shkollë, po që se nuk e konsumon n’mëngjes.
E nëse je ka ja mbanë gajle se çka me përgatitë për drekë, ne definitivisht ta rekomandojmë me e përgatitë supën tonë me thjerrëza e limon – supë kjo që edhe t’nginë edhe t’kënaqë. Dita s’ka pse përfundon s’qenuri e mirë veç me mëngjes./Katror.info
Përgatiti:
