Një detektorist amator ka zbuluar një byzylyk viking prej ari, rreth 1,000-vjeçar, në Ishullin e Manit – një punim i rrallë i kohës që shërbente njëkohësisht si stoli luksoze dhe si valutë për transaksione financiare.
Byzylyku u gjet këtë pranverë nga Ronald Clucas, një anëtar i Shoqatës së Detektoristëve të Manit. Ai është përbërë nga tetë shufra ari të përdredhura dhe është prerë në dy vende, gjashtë për të ndihmuar pronarin të mbulonte shpenzime financiare në atë kohë.
“Mbeta i shtangur kur gjeta një copë ari kaq të bukur – nuk e besoja!” tha Clucas në një deklaratë të Manx National Heritage. “Ari zakonisht jep një sinjal shumë të dobët në detektor, kështu që është e vështirë të parashikosh çfarë po zbulon.”
Mundesh me e lexu edhe…
Byzylyku është gjetur i palosur më dysh, me gjatësi rreth 7.7 cm dhe peshë 27.3 gramë – një “peshë e konsiderueshme” për një objekt bizhuterie të asaj madhësie, sipas muzeut.
Më 29 maj, Zëvendës-Koronerja e Ishullit të Manit e shpalli artefaktin si “thesar”, një status që i jepet objekteve prej metalesh të çmuara më të vjetra se 300 vjet.
Ky është zbulimi i dytë i një “thesari viking” nga Clucas, i cili ka 50 vjet që merret me kërkime me detektor. Në vitin 2005, ai kishte gjetur edhe një shufër argjendi dhe një tjetër prej plumbi.
Një stoli që ishte edhe para
Sipas arkeologes Allison Fox, byzylyku daton rreth viteve 1000–1100 pas Krishtit dhe shërbente si shenjë pasurie personale, por edhe si mjet pagese. Në atë periudhë, vikingët përdornin shufra ari ose argjendi të prera për të matur dhe paguar vlerat në transaksione.
“Ky është një objekt i rrallë nga ajo epokë,” tha Fox, duke theksuar se ari është shumë më i rrallë se argjendi në gjetjet e epokës vikinge.
Sipas saj, byzylyku është prerë në dy raste të ndryshme, ndoshta për dy transaksione të veçanta. Pjesa e humbur mund të jetë fshehur, humbur aksidentalisht, ose edhe varrosur si ofertë për perënditë vikinge.
Sot, ky objekt i rrallë ndodhet në Galerinë Vikingëve të Muzeut Manx, bashkë me thesare të tjera nga epoka vikinge që janë zbuluar në ishull.
Përgatiti:
