Ministria e Industrisë, Ndërmarrësisë dhe Tregtisë (MINT) ka bërë nënshkrimin e marrëveshjeve të granteve të inovacionit, ku përfituese janë 34 biznese, të cilat do të fillojnë implementimin e projektit.
“Kosova ka burime të qëndrueshme për zhvillim ekonomik. Duke rritur mbështetjen e ndërmarrjeve, rrisim dhe integrimin e tyre në tregun evropian dhe global. Po krijojmë një kulturë të inovacionit që ajo të bëhet sa me konkurruese në treg dhe synimi është që të zhvillojmë ide sa më inovative”, tha me këtë rast ministrja Rozeta Hajdari, përcjell RTK.
Zef Dedaj, U.d. i Drejtorit të Përgjithshëm i Agjencisë për Investime dhe Përkrahje të Ndërmarrjeve në Kosovë (KIESA) tha se grant-skema është e ndarë në dy faza.
Mundesh me e lexu edhe…
“Grant-skema është ndarë në dy llote. I pari për ndërmarrjet e vogla dhe të mesme dhe i dyti për ndërmarrjet start-up. 1.1 milionë euro për startup dhe 800 mijë euro për ato të vogla dhe mesme”, tha ai.
Vlera e projekteve nga kjo skemë për ndërmarrjet e vogla dhe të mesme (NVM-të), është mbi 2.8 milionë euro, ndërsa përkrahja e MINT/KIESA dhe LuxDev është mbi 1.9 milionë euro./Katror.info
Përgatiti:
