Që brokolli asht super-ushqim i mbushun me vitaminë c dhe vlera t’tjera ushqyese t’cilat dukshëm e përmisojnë shëndetin tonë asht tashma fakt i ditun e i njohun edhe për ata t’cilët nuk marrin vesh aspak prej kuzhinës e ushqimit t’shnetshëm. Mirëpo, t’paktë janë njerëzit që nime e shijojnë brokollin dhe që e hajnë atë me qejf.
S’ka lidhje a ke fëmijë që gërrditet e edhe sikur ta vrajsh nuk e provon nji kafshatë me brokolli, apo edhe vet je nifarë fëmiu që refuzon me e konsumu këtë super-perim – ne jemi këtu me t’njoftu me disa receta që kanë me ta ndryshu përshtypjen për brokollin, veçanarisht nëse nuk e pëlqen shijen që e ka. Kësaj radhe po t’i ofrojmë 4 super receta, e ti t’paktën njanës asht mirë me ja dhanë shansin.
1. SUPA KLAIKE ME BROKOLLI
E lehtë me u përgatitë, por edhe e mbushun me vlera ushqyese e plot shije, supa klasike me brokolli asht ideale për kando që nuk e pëlqen fort brokollin n’copë, e sidomos ata që kanë fëmijë t’cilët janë ma “zgjedhës n’ushqim”. Plus, kjo supë asht shumë e thjeshtë me u përgatitë -rrnoftë blenderi!
2. SMOOTHIE ME BROKOLLI DHE FRUTA
Njilloj sikurse smoothie me lulelakër dhe gjalpë kikiriku që ka arritë me e ndryshu përceptimin se perimet nuk shkojnë n’smoothie, smoothie me brokoli dhe fruta asht receta që ta ofron nji variacion vitaminash e vlerash ushqyesem pa pasë nevojë me hjekë dorë prej shijes t’mirë.
3. SUPË ME BROKOLLI DHE KASHKAVALL
Ne poashtu kemi vendosë me e bashkangjitë nji version pak ma ndryshe e ma kremoz t’supës kalsike me brokolli e që normalisht jemi t’bindun që ka me t’pëlqy shumë po e provove. Asht kjo supa me brokolli e kashkavall që e ka ni akstra kremozitet falë kashkavallit. Kështu, n’daç diçka që asht e shijshme, e lirë e kohë-kursyese – kjo supë asht ma se ideale. Biles po e përgatite jemi t’bindun që ke me e marrë edhe t’nesërmen me vehte për pauzë t’drekës.
Nëse këto sygjerime nuk po ta mbushin edhe aq synin, mos e le pa e kuptu e pa ja rikujtu edhe nji herë vehtës benefitet që ka brokolli – e me e shqyrtu seriozisht mundësinë me ua dhanë shansin këtyre super-recetave, sepse, ke me u habitë për s’miri. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
