E përditësuar – 13:15
Ka përfunduar e qetë protesta kundër shtrenjtimit të energjisë elektrike, ndërsa aktivistët paralajmëruan padi ndaj ZRrE-së.
Ata në fund të protestën thanë se padia do të doëzohet javën e ardhshme, saktësisht të martën në gjykatë.
Mundesh me e lexu edhe…
“Do të vazhdojmë me kundërshtimet tona, dhe me protestat tonë. Deri në protestën e ardhshme të cilën do ta paralajmërojmë së shpejti. Takohemi të martën para gjykatës kur do ta dorëzojmë padinë”, thanë aktivistët.
“KEDS t’i kthehet popullit”, protestuesit kërkuan dorëheqjen e anëtarëve të ZRrE-së
Duke brohotirur “Asnjë cent më shumë”, qytetarët marshuan drejt zyrave të ZRrE-së nën përcjelljen e Policisë së Kosovës.
Aktivistët e grupit “Asnjë cent më Shumë” bën një mbishkrim para zyrës së ZRrE-së “KEDS t’i kthehet popullit”.
Ndërkaq, protestuesit me brohorima po kërkojnë dorëheqjen e anëtarëve të ZRrE-së.
***
Nis protesta kundër shtrenjtimit të energjisë elektrike
Qytetarë të shumtë janë mbledhur sot para ndërtesës së Qeverisë së Kosovës në një protestë të organizuar nga grupi “Asnji cent ma shumë”, për të kundërshtuar paralajmërimet për rritje të çmimit të energjisë elektrike.
Me pankarta në duar “Mbroj familjen tënde-protesto”, Qytetarët nuk janë bankomat”, “Nuk paguajmë për dështimet tua”, etj, protestuesit shprehën pakënaqësinë ndaj kërkesës së kompanive energjetike për rritjen e tarifave të rrymës.
Ndërkaq, ZRrE pritet ta rrisë çmimin e rrymës deri në 16 për qind.
Ndryshe, kjo është protesta e dytë e organizuar nga grupi “Asnjë Cent ma Shumë”, për të kundërshtuar shtrenjtimin e rrymës në vend.
Përgatiti:
