Universiteti i Harvard-it ka paditur administratën Trump të hënën, pasi qeveria federale anuloi mbi 2 miliardë dollarë financime për këtë institucion prestigjioz, raporton agjencia turke AA.
Presidenti i Universitetit, Alan Garber, deklaroi se “gjatë javës së kaluar, qeveria ka ndërmarrë disa veprime pas refuzimit të Harvard-it për të përmbushur kërkesat e saj të paligjshme.” Ai shtoi se universiteti ka paraqitur padi për të ndalur ngrirjen e financimit, duke e cilësuar si të paligjshme dhe jashtë kompetencave të qeverisë.
Në padi, administrata Trump akuzohet për shkelje të të drejtave të garantuara nga Amendamenti i Parë i Kushtetutës, si dhe të ligjeve dhe rregulloreve federale. Sipas Harvard-it, ndërprerja e financimit është përdorur si mjet presioni për të imponuar pikëpamjet ideologjike të qeverisë ndaj universitetit.
Mundesh me e lexu edhe…
Ky është institucioni i parë akademik madhor që sfidon publikisht udhëzimet e administratës, të cilat janë paraqitur si përpjekje për të luftuar antisemitizmin pas protestave në kampuset universitare lidhur me luftën në Gaza. Një tjetër fokus i administratës ka qenë edhe kundërshtimi ndaj programeve për diversitet, barazi dhe përfshirje (DEI), të cilat i ka cilësuar si “diskriminim të paligjshëm dhe imoral”.
Garber, duke theksuar përkushtimin e Harvard-it për të luftuar antisemitizmin, tha se “ligji kërkon që qeveria të bashkëpunojë me ne para se të ndërmarrë veprime ndëshkuese.” Ai shtoi se universiteti e merr seriozisht rritjen e shqetësimeve lidhur me urrejtjen dhe diskriminimin./Katror.info
Përgatiti:
