Shehu është angazhuar si balerin ndër të tjera në “Ballet am Rhein” në Duisburg/Düsseldorf dhe në Baletin Shtetëror Hessian në Darmstadt/Wiesbaden
Drejtimin e trupës së baletit në Teatrin e qytetit Hagen e merr balerini dhe koreografi Taulant Shehu.
Shehu zhvendoset në Hagen në të njëjtën kohë me intendantin e ri të teatrit, Søren Schuhmacher, transmeton albinfo.ch. Ai zëvendëson kryekoreografin Francesco Nappa, i cili ka drejtuar departamentin e kërcimit që nga viti 2023.
Mundesh me e lexu edhe…
Pozicioni i drejtoreshës së baletit në Teatrin Hagen qe mbuluar më parë nga Marguerite Donlon, e cila ishte përgjegjëse për kompaninë deri në fund të sezonit 2020/21.
I lindur në Shqipëri, Shehu është angazhuar si balerin ndër të tjera në “Ballet am Rhein” në Duisburg/Düsseldorf dhe në Baletin Shtetëror Hessian në Darmstadt/Wiesbaden, shkruan westfalenspiegel.de. Krahas projekteve koreografike, ai është marrë edhe me edukim dhe terapi kërcimi.
“Më mbush me shumë pritje dhe më bën krenar fakti që arritëm të fitojmë Taulant Shehun për Teatrin e Hagenit. Ai i përket ekipit të ri dhe perspektiv të koreografëve, gjuha bashkëkohore e trupit të të cilëve, së bashku me njohuritë e tyre për rrëfimin klasik dhe strukturat e lëvizjes, do të formësojnë ndjeshëm të ardhmen e baletit”, thotë drejtori i caktuar artistik (intendanti) i Teatrit të Hagenit, Schuhmacher.
“Njohuria dhe veprimtaria e pamasë” e Shehut në mësimin e kërcimit përbën një pasuri të madhe jo vetëm për teatrin, por edhe për qytetin e Hagenit”.
Taulant Shehu ka filluar shkollimin për balet në vendin e tij, në Shqipëri dhe e ka vazhduar në Kanë të Francës. Si balerin, ai ka punuar në Ballet am Rhein, Baletin Dortmund, Teatrin Shtetëror të Wiesbadenit dhe Baletin Shtetëror Hessian, ndër të tjera, transmeton albinfo.ch. Ai ka zhvilluar po ashtu veprat e tij koreografike në teatro të ndryshme, duke përfshirë këtu pjesët e baletit për Teatrin Kombëtar Mannheim dhe Baletin Kombëtar të Kosovës.
Në këtë të fundit ai ka bërë koreografinë e baletit “Dua”, me motive nga dasma tradicionale shqiptare. /Katror.info
Përgatiti:
