Edhe pse nuk ekziston një studim të veçantë që fokusohet vetëm tek muzika e Krishtlindjeve, kërkime të tjera kanë treguar se muzika në përgjithësi mund të ketë efekte pozitive në shëndet.
Një studim i Shoqatës Psikologjike Amerikane thekson se dëgjimi i muzikës mund të rrisë nivelet e dopaminës, hormoneve që lidhen me kënaqësinë dhe humorin e mirë.
Kjo do të thotë se këngët e njohura të Krishtlindjeve, si “All I Want for Christmas Is You”, mund të ndihmojnë në përmirësimin e disponimit dhe të pakësojnë stresin, duke e bërë periudhën festive edhe më të këndshme.
Mundesh me e lexu edhe…
Një studim i kryer në vitin 2022 nga shkencëtarë danezë ka zbuluar se muzika e Krishtlindjeve ka mundësinë të ulë edhe nivelet e presionit të gjakut, duke kontribuar në një ndjenjë më të thellë relaksi dhe harmonie. Përveç kësaj, studiuesit sugjerojnë se ky lloj i muzikës mund të nxjerrë në pah një “shpirt Krishtlindjesh” të veçantë, që është i lidhur me emocionet pozitive dhe gëzimin e festave.
Një nga aspektet më të fuqishme të muzikës festive është lidhja e saj me kujtimet dhe nostalgjinë. Muzika e Krishtlindjeve shpesh rikthen momente të lumtura nga e kaluara, duke rritur nivelet e serotoninës dhe duke ulur ndjenjat e ankthit. Kjo mund të ketë një efekt qetësues dhe terapeutik, duke ndihmuar individët të ndjehen më të lidhur me momentet e gëzueshme të kaluar.
Një studim i vitit 2012, i publikuar në “Journal of Consumer Research”, sugjeron se njerëzit shpesh kërkojnë përvojat që kanë përjetuar më parë, për të ripërsëritur ndjenjat pozitive. Kjo është arsyeja pse shumë njerëz dëgjojnë të njëjtat këngë Krishtlindjesh vit pas viti, duke u përpjekur të rikthejnë gëzimin dhe lumturinë që ato u kanë dhënë më parë.
Në këtë mënyrë, për ata që adhuroni muzikën e Krishtlindjeve, dëgjimi i këngëve festive nuk është vetëm një traditë – është një mënyrë për të përjetuar çdo vit “shpirtin e Krishtlindjes” dhe për të përmirësuar shëndetin tuaj emocional dhe fizik./TAR
Përgatiti:
