Princi William dhe princesha e Uellsit, Kate Middleton kanë shpërndarë kartolinën e tyre të Krishtlindjeve.
Në faqen e tyre zyrtare në rrjetin social Instagram, ata kanë publikuar një video të shkurtër që tregon kartolinën mbi një tavolinë, para një peme Krishtlindjesh, ka raportuar FoxNews.
“Ju urojmë një Krishtlindje dhe Vit të Ri shumë të lumtur”, thuhej në mesazhin brenda kartës, që shoqërohej nga një fotografi e Princit dhe Princeshës së Uellsit me tre fëmijët e tyre, Princin George, Princeshën Charlotte dhe Princin Louis.
Mundesh me e lexu edhe…
Zakonisht familja shpërndan një foto të re çdo vit për kartolinën e Krishtlindjeve, por këtë vit ata zgjodhën një imazh ekzistues, të marrë nga një video e publikuar në shtator që njoftonte përfundimin e trajtimit të kancerit të Middletonit.
“Edhe pse kam përfunduar kimioterapinë, rruga ime për shërim dhe rikuperim të plotë është e gjatë dhe duhet të vazhdoj ta marr çdo ditë ashtu si vjen. Megjithatë, mezi po pres të kthehem në punë dhe tu kthehem angazhime publike gjatë muajve në vijim, kur të mundem”, pati thënë princesha në një video ku e njoftonte lajmin.
Middleton ka filluar të shtojë gradualisht angazhimet në programin e saj pas pushimeve për trajtimin e kancerit.
Më herët këtë muaj, ajo organizoi koncertin e saj vjetor “Together at Christmas”, të organizuar për herë të parë në vitin 2021, si një mënyrë për të nderuar njerëzit dhe organizatat që dhanë kontribut të jashtëzakonshëm në komunitetet e tyre gjatë pandemisë COVID-19.
Gjatë kësaj ngjarje, 42-vjeçarja dukej e lumtur në një pallto të gjatë të kuqe me një fjongo të zezë në jakë. Ajo gjithashtu bëri një koment të rrallë për shëndetin e saj gjatë eventit, ndërsa fliste me yllin e pop-it Paloma Faith.
“Nuk e dija që ky vit do të ishte viti që kam kaluar”, dëgjohet të thotë Middleton në një video të kapur nga Channel 5 News UK, që është shpërndarë në rrjetin social në X (ish-Twitter).
The Princess of Wales has arrived at Westminster Abbey as she hosts her annual Christmas carol service tonight.
It's the biggest event Catherine has attended since she's returned to public duties, following her cancer treatment.@leylahayes | #Royal pic.twitter.com/OK2uP09QAx— Channel 5 News (@5_News) December 6, 2024
“I paplanifikuar”, ndërhyri Faith.
“I paplanifikuar, pikërisht. Por mendoj se shumë njerëz këtë vit kanë kaluar kohë shumë sfiduese”, përgjigjet Middleton.
Gjithashtu, babai i Princit William, Mbreti Charles III, ka luftuar me kancerin këtë vit.
Në muajin nëntor, Princi William pati folur hapur për vitin e vështirë të familjes gjatë një interviste me gazetarët në Cape Town, Afrikë të Jugut.
“Ka qenë një vit tmerrësisht i vështirë. Mendoj se ka qenë viti më i vështirë i jetës sime. Por jam kaq krenar për gruan time, jam krenar për babain tim, për mënyrën se si i kanë trajtuar ata gjërat që kanë kaluar”, ka thënë William, ka raportuar People./Katror.info
Përgatiti:
