Qyteti i Sarandës kohët e fundit po tërheq gjithnjë e më tepër vizitorë, duke u bërë kështu një destinacion perfekt për 365 ditë të vitit, shkruan RTSH.
Kryetari i Shoqatës së Turizmit, Arben Çipa, pohon se fluksi turistik vijon të jetë i lartë edhe ne këto ditë dhjetori.
E veçanta e këtij viti është se shumë turistë që kanë blerë apartamente po preferojnë që festat e fundvitit t’i kalojnë në bregdet.
“Prezenca turistike në mënyrë sporadike vazhdon të jetë edhe sot e kësaj dite, madje ajo çfarë është e veçantë janë turistët, të cilët janë bërë vendas tashmë. Ata disponojnë apartamentet e tyre dhe festat e fundvitit kanë zgjedhur t’i kalojë këtu. Kjo vihet re në shëtitoren e Sarandës, ku ata lëvizin dhe janë pjesë e qytetit. Ka ndryshuar koncepti dhe jeta e periudhës dimërore dhe kjo gjë e re për ta nxjerrë sarandjotin nga shtëpia është shumë e bukur,” thotë Çipa.
Gjatë kësaj periudhe Saranda po frekuentohet më tepër nga grupe turistike, kryesisht mosha e trete. Vizitorët qe vijnë janë nga vende të ndryshme, si francezë, spanjollë dhe gjermanë.
“Ata alternojnë turin kulturor duke nisur nga Tirana, Gjirokastra e Saranda në jug,” shprehet kreu i Shoqatës së Turizmit.
Saranda po shndërrohet në një prej vendeve më të bukura edhe në stinën e dimrit, ku vizitorë të shumtë do të mund të shijojnë çdo gjë në këtë qytet për festat e fundvitit./Katror.info
Përgatiti:
