Kushdo që ka fëmijë, herë ma shumë e herë ma pak, ka ankesa n’lidhje me mënyrën qysh ata kategorikisht refuzojnë me i hangër frutat apo perimet e caktume. Disa fëmijë thjeshtë janë ma kajdegji se t’tjerët e ta bijnë punën me lypë alternativa për me ua “mshefë” frutat dhe perimet.
Smoothie-t e kanë këtë t’mirë që mundesh me përdorë përbërës t’ndryshëm, me i përzi me t’tjerë e mos me u vërejtë fort. Kësisoji edhe fëmijëve ma lehtë ua servojmë e besa edhe ata i konsumojnë pa problem. Ne t’i kemi radhitë 8 prej smoothie-ve t’cilat çdo fëmijë i pin pa problem.
1. SMOOTHIE ME DREDHËZA E ANANAS
Smoothie me dredhëza e ananas asht receta që i përshtatet kujtdo, sepse asht sa e ambël, aq edhe acidike për shkak t’ananasit. E ty mundet ky smoothie me t’ndihmu me nisë ditën me plot vitamina e shije pa u lodhë qaq. Edhe i ka veç 4 përbërës (përfshirë 1 erzë t’cilën as fëmijët e as t’rritunit nuk e hetojnë që asht mrenda).
2. LANGU/SMOOTHIE I MOLLËS T’GJELBËR
Langu/smoothie i mollës t’gjelbërt asht krejt çka t’duhet kur fëmijëve u pihet diçka e mirë e e shijshme, pa pasë nevojë me ba kompromis me alternativat artificiale t’dyqaneve. Pos që super-lang, asht edhe super i lehtë me u përgatitë e nuk t’merr kohë ma shumë se 2 minuta. Ky lang/smoothie poashtu asht 1 nga 5 smoothie-t ma t’famshme t’gjelbra. Plus ti e ke mundësinë me ua dëshmu përmes këtij smoothie-t plot shije t’vegjëlve se pse 1 mollë n’ditë i thotë mjekut ik.
Mundesh me e lexu edhe…
3. SMOOTHIE ME KUMBULLA E TËRRSHANË
Smoothie me kumbulla e tërrshanë ka me t’i mbajtë fëmijët e ngopun, por edhe t’kënaqun me shijen që ka. Lehtë, shpejtë e pa ndonji filozofi, ky smoothie asht këtu për me t’i ngi vocërrakët gjatë mëngjeseve t’hershme. Plus, mundesh me ua përgatitë për me i marrë n’shkollë me vehte.
4. SMOOTHIE ME GJALPË KIKIRIKU DHE BANANE
Smoothie me gjalpë kikiriku dhe banane asht nji prej smoothie-ve me shijen ma kremoze t’cilën mundesh me e përgatitë. As nuk ka ndonji filozofi, e as nuk lypë shumë përbërës, por e ke n’dakik gati. Plus asht prej kombinimeve që fëmijëve ju pëplqen tepër.
5. SMOOTHIE ME KARROTË DHE BANANE
Smoothie me karrotë dhe banane asht nji prej kombinimeve ma t’lehta e ma t’mira për smoothie, sepse krejt çka t’nevojitet janë 2 minuta dhe 3 përbërës. Plus, kjo recetë asht mundësi fort e mirë me ua dhanë fëmijëve edhe disa vitamina ekstra prej karrotës. Poashty, ky kombinim asht tanësisht vegan e i përshtatet edhe atyre që kanë intolerancë ndaj laktozës dhe nuk përdorin qumësht.
6. SMOOTHIE ME RREPË T’KUQE
Kushdo që ka problem me anemi e din sa e vështirë asht me gjetë zgjidhje për me e forcu imunitetin e me i shumu rruzat e kuqe t’gjakut përmes ushqimit e pijeve. Edhe ma shumë kufizohen ata t’cilët nuk e kanë n’qejf rrepën – veçanarisht fëmijët. Megjithatë, smoothie me rrepë t’kuqe nuk shijon shumë sikurse rrepa, sepse frutat e tjerë ndihmojnë me ja përhupë shijen e dheut për t’cilën njihet rrepa. Pra, asht ideal për vocërrakët anemik.
7. SMOOTHIE ME HURMA DHE BANANE
Smoothie me hurma dhe banana asht smoothie që t’nevojitet për me i furnizu picimulët me mjaftushëm vlera ushqyese (deri sa t’vjen koha e drekes), por edhe me i ambëlsu ata. Krejt çka t’duhet janë 1 minut kohë dhe pak përbërës.
8. SMOOTHIE ME PJESHKË DHE DREDHËZA
Smoothie me pjeshkë e dredhëza asht recetë klasike, por që nime t’kënaqë e nuk don najfarë marifeti t’veçantë. Mjaftojnë 4 përbërës, 1 blender e 1 minut kohë për me e ba nji gotë t’mbushun plot shije e vitamina, e që asnji fëmijë nuk ka me e refuzu.
Ma e mira e këtyne smoothie-ve asht që mundesh me i përgatitë shumë shpejtë, lehtësisht dhe me ua dhanë fëmijëve me i pi. Ti poashtu mundesh me ua përgatitë për me i marrë me vehte për shkollë, kurs apo ushtrime duke i vendosë smoothie-t n’shishe xhami e n’frigorifer. Kësisoji ato qëndrojnë t’freskëta e t’pijshme për 2-3 ditë. Mjafton me e shkundë shishen para përdorimit dhe me i pi.
Njilloj sikurse për t’vegjlit, këto smoothie mundesh me i përgatitë edhe për vehte e me i marrë n’punë, me i konsumu para apo pas ushtrimeve e pse jo edhe me i pi n’vend t’langjeve artificiale kur t’kapë huji për to. Shijo! /katror.info/
Përgatiti:
