Fotografitë e vitit nga National Geographic janë publikuar, mes 49 sosh edhe dy nga Kosova.
Plot 132 fotografë nga 60 vende të botës, dorëzuan 2.238.899 fotografi për t’u bërë pjesë e numrit të veçantë të National Geographic për “Fotografinë e vitit”.
Sipas Sadie Quarrier, zëvendësdrejtoresha e revistës, ishte shumë e vështirë të përzgjidhje fotografitë më unike që dokumentojnë ngjarje dhe pamje nga i gjithë globi.
Në fotogaleri renditen imazhet e vlerësuara si më të mirat nga juria e National Geographic.
Dy fotografitë nga Kosova janë radhitur me numrat 15 dhe 16-të në gjithsej 49 fotografitë e përzgjedhura nga revista.
Mbishkrimi që i ka vendosur fotografisë numër 15-të revista National Geographic:
“LLADOC, KOSOVË / Një Lada është mbyllur në një kuti xhami në një memorial të heronjve të hershëm të Ushtrisë Çlirimtare të Kosovës. Makina mbante pjesëtarët e UÇK-së Zahir Pajaziti, Edmond Hoxha dhe Hakif Zejnullahu kur iu zu pritë nga forcat serbe në vitin 1997.” Kjo fotografi është shkrepur nga Justyna Mielnikiewicz.
Mbishkrimi që i ka vendosur fotografisë numër 16-të revista National Geographic:
“Një muzikant përgatitet për shfaqjen inauguruese të Operës së Kosovës në Pallatin e Rinisë dhe Sporteve. Kosova ka afro 1.8 milionë banorë dhe një nga popullsitë më të reja në Evropë; më shumë se gjysma e qytetarëve të saj janë nën 30 vjeç.” Kjo fotografi është shkrepur nga Justyna Mielnikiewicz.
National Geographic (dikur Revista National Geographic, nganjëherë e quajtur si NAT GEO) është një revistë mujore popullore amerikane e botuar nga National Geographic Society. E njohur për foto-reportazhe, ajo është një nga revistat më të lexuara të të gjitha kohërave./Katror.info
Përgatiti:
