Klubi i Pingpongut Prishtina M dhe Prishtina F pas pjesëmarrjës në kampin zhvillimor të mbajtur në Stamboll, kanë bërë një donacion simbolik për të ndihmuar viktimat e tërmetit të fundit në Turqi. Ky gjest tregon se dhurimi është një shembull i mrekullueshëm se si ekipet sportive dhe sportistët mund të përdorin sportin për të bërë një ndikim pozitiv në botë.
Më 6 shkurt 2023, një tërmet shkatërrues goditi Turqinë, duke rezultuar në humbje të madhe të jetëve dhe dëmtime të mëdha në ndërtesa e infrastrukturë. Ndërsa lajmet për katastrofën u përhapën, njerëzit në mbarë botën u mobilizuan për të ofruar ndihmë dhe mbështetje për të prekurit nga tërmeti, kësaj ndihme ju bashkuan edhe pingpongistët e kryeqytetit.
Klubet e Pingpongut Prishtina M dhe F, si klube me traditë shumë vjecare sportive në Kosovë, gjatë pjesëmarrjes në kampin e pingpongut në Stamboll, u ndien të detyruar të kontribonin sado pak për përsonat në nevojë pas termetit. Klubet prishtinase të cilat kanë një histori të gjatë të promovimit të sportit dhe angazhimit të komunitetit, pas përfundimit të kampit ndajtën një shumë simbolike për të mbështetur përpjekjet e ndihmës në Turqi.
Në emër të klubeve nga Prishtina, udhëheqsi i grupit z.Besart Domaniku dhuroi donacionin tek nikoqiri i kampit Ertan Hyner, i cili fillimisht falenderoi për ndihmën që Turqia vazhdimisht i ka dhuruar sportit kosovarë, që nga anëtarësimi i federatës kosovarë në mekanizmat ndërkombetare e deri tek ndihmat për zhvillim përmes trajnimeve të ndryshme si dhe për gatishmërin e mbajtjës së kampit edhe gjatë momenteve jo të lehta për popullin turk.
“Me lejoni që në emër të klubeve të Prishtinës të ju dhurojmë këtë donacion simbolik për të prekurit nga tërmeti shkatërues që ndodhi ditë më parë, si dhe të ju falenderojmë që edhe në këto ditë të vështira për Turqinë, ju i hapet dyert për ne dhe zhvilluam kampin për avancimin e të rinjëve tanë, i cili ishte i planifikuar muaj më parë. Ne ju jemi falenderues për gjithë kontributin e klubeve dhe federatës turke për mbeshtetjën tuaj të vazhdueshme ndër vite, e ky donacion është më e pakta qe mund të bëjm në shej falenderimi për ju” u shpreh Domaniku gjatë dhurimit të donacionit.
Në praninë e lojtarëve nga Stambolli dhe Prishtina, trajneri z. Hyner nga klubi Beyoğlu Spor Masa Tenisi ju falenderua shumë për gjestin human të klubeve Prishtina dhe njoftoi se do t’i përdor kanalet sportive që mjetet e dedikuara do të dhurohën për sportitsat e prekur nga termeti.
Ky gjest i këndshëm nga Klubet e Pingpongut Prishtina M dhe F demonstron fuqinë e sportit dhe komunitetit për të bashkuar njerëzit për një kauzë të përbashkët. Duke përdorur sportin e pingpongut tentojmë të rrisim ndërgjegjësimin dhe fondet për të prekurit nga tërmeti, e klubet kanë bërë një simbolikë që të ndimojnë në jetën e atyre sportistave që po luftojnë si pasojë e fatkeqësisë.
Është e rëndësishme të theksohet se ky akt bujarie nuk është bërë vetëm nga pingpongistët e Prishtinës por në të gjithë botën, ekipet sportive dhe atletët individualë janë ngritur për të mbështetur ata në nevojë gjatë kohëve të krizës. Pavarësisht nëse bëhet fjalë për dhurimin e parave ose kohës, ose thjesht duke përdorur platformën e tyre për të rritur ndërgjegjësimin, atletët dhe organizatat sportive kanë aftësinë të bëjnë një ndryshim të rëndësishëm në jetën e të tjerëve.
Donacioni i Klubeve të Pingpongut Prishtina për Turqinë është një tregues i fuqishëm se sporti mund të jetë një forcë për të mirën në botë. Nëpërmjet përkushtimit të tyre ndaj komunitetit të tyre dhe gatishmërisë së tyre për të ndihmuar ata në nevojë, klubi ka treguar se fryma e sportit dhe e punës në grup mund të shtrihet shumë përtej fushës së lojës.
Ndërsa vazhdojmë të përballemi me sfida dhe fatkeqësi në botën tonë, është inkurajuese të shohim shembuj të tillë të njerëzve që bashkohen për të mbështetur njëri-tjetrin. Të gjithë mund të frymëzohemi nga bujaria e Klubeve të Pingpongut Prishtina dhe sportistëve të tjerë dhe organizatave sportive që përdorin talentin dhe burimet e tyre për ta bërë botën një vend më të mirë./Katror.info
Përgatiti:
