Dokumentari “Mysterious Lagerfeld” do të përpiqet të hedhë dritë se kush do të trashëgojë pasurinë prej 200 milionë euro të stilistit të ndjerë Karl Lagerfeld dhe do të ofrojë një pasqyrë të jetës së stilistit legjendar në Chanel, Fendi dhe markës së tij.
Regjisori Michael Waldman foli me njerëzit nga rrethi i ngushtë i Karl Lagerfeld: Sebastian Zondo, truproja e tij, Baptiste Giambiconi, model dhe mik, modeli Brad Krenning, Françoise Cassot, i cili është kujdesur për Choupette, macen e njohur burmeze të stilistit dhe Caroline Lebar, drejtori i komunikimit të projektuesit. Celine Degoulet, avokatja e stilistit, e cila ka akses në testamentin e tij, nuk pranoi të ndajë informacione.
Dokumentari do të ketë momente prekëse, si kur Krenning, i cili tani punon si agjent imobiliar në Florida, është në një plazh me familjen e tij dhe rrëfen me emocion se si Lagerfeld ndryshoi jetën e tij.
“Lagerfeld ishte një nga figurat më të njohura në modë dhe një nga më misteriozët. Ndikimi i tij ishte i pamatshëm, por sa njerëz u njohën me Lagerfeldin e vërtetë?”, thuhet në përshkrimin e BBC.
Shpenzimet e stilistit ishin legjendare. Bujaria e tij ndaj të afërmve ishte e admirueshme, pasi jepte dhurata, makina dhe rroba pa kufi apo avionë me qira për të udhëtuar me miqtë. Mbesa e tij tregoi kujtimin e saj kur Lagerfeld insistoi të dizajnonte fustanin e saj të nusërisë.
Pak vite më parë, konkretisht në vitin 2020, u bë e ditur se në pasurinë e Lagerfeld ishin shtatë përfitues. Modelja Jake Davis, Caroline Lebar, Sébastien Zondo, Baptiste Giampiconi, Brad Krenning dhe djali i tij Hudson, i cili u pagëzua nga stilisti dhe Françoise Cassot.
Megjithatë, llogaritari kryesor i Lagerfeld, i cili besohet të jetë i vetmi person me njohuritë e nevojshme për asetet e stilistit legjendar të modës, është zhvendosur në Zvicër për të ndihmuar me çështjen e trashëgimisë. Ai nuk mund të kontaktohej për t’iu përgjigjur asnjë pyetjeje për shkak të “shëndetit të keq”. Në këtë mënyrë, çdo trashëgimtar mbetet në errësirë për atë që do të ndodhë me pasurinë, raporton BBC.
Giampiconi tha gjithashtu në dokumentar se marrëdhënia e tij me Lagerfeldin ishte si një marrëdhënie babë e bir: Në një moment, ne kishim shprehur dëshirën që një ditë Karl të më adoptonte. Kështu donte. Më bëri një dhuratë, një komplet bagazhesh nga Louis Vuitton. Ai porositi bagazhin me inicialet BLG, Baptiste Lagerfeld Giabiconi.
Së fundmi, tema e këtij viti në Met Gala i kushtohet stilistit të njohur dhe karrierës së tij./Katror.info
Përgatiti:
