Dua Lipa perfeksionoi pamjen mes klasikes dhe sportives teksa përshëndeti fansat në Muzeun Metropolitan të Artit në New York të premten (28 prill). Këngëtarja e “Levitating”, 27 vjeçe, është në zonën përpara eventit “Met Gala” të së hënës (1 maj) që do të mbahet në muze.
Dua kishte veshur një xhaketë të zezë me shkëlqim deri në kofshë me pika të bardha për daljen. Ajo e kombinoi pallton që binte në sy me një palë këpucë me majë me ngjyrë të zezë dhe pika të bardha.
Dua e përshtati veshjen me xhinse dhe këmishë të bardhë bashkë me një palë vathë floriri të trashë, një gjerdan varëse dhe syze dielli drejtkëndëshe të zeza.
Autorja e e hitit “New Rules” veshi një çantë praktike të vogël prej lëkure të zezë për këtë ngjarje. Ylli i muziksës buzëqeshi teksa përshëndeti fansat përpara një prej ngjarjeve më të mëdha të modës të vitit, shkruan Daily Mail.
Veshja e dytë e Duas gjatë ditës ishte më sportive, ajo u pa të premten në mëngjes me një tuta të kuqe teksa po largohej nga The Mark Hotel.
“Met Gala”, e quajtur zyrtarisht Gala e Institutit të Kostumeve ose Përfitimi i Institutit të Kostumeve, është një gala vjetore për mbledhjen e fondeve ku marrin pjesë emrat më të mëdhenj të argëtimit dhe modës.
Ajo mbahet për të mbledhur para për Institutin e Kostumeve të Muzeut Metropolitan të Artit. Disa pjesëmarrës të rregullt përfshijnë Lady Gaga, Rihanna dhe stilistë të tillë si Marc Jacobs.
Që nga viti 1948, yjet janë ngjitur në shkallët madhështore në një festë shumë ekskluzive ku nuk lejohen ‘selfie’.
Tema e këtij viti është “Karl Lagerfeld: Një linjë e bukurisë”, në nder të drejtorit artistik të Chanel, i cili vdiq në vitin 2019./Katror.info
Përgatiti:
