Elon Musk ka rifituar pozicionin e tij si personi më i pasur në botë. Kjo është sipas një raporti të miliarderëve të Bloomberg, i cili vlerësoi se vlera neto e CEO të Tesla (TSLA) tani është rreth 192 miliardë dollarë, krahasuar me 187 miliardë dollarë të CEO të LVMH (LVMHF), Bernard Arnault, përcjell Telegrafi.
Dy “centiliarderët”, një term i përdorur për t’iu referuar njerëzve me pasuri më shumë se 100 miliardë dollarë, kanë qenë “kokë për kokë” për vendin e parë për muaj të tërë.
Këtë javë, pasuria e Arnault ra pas një rënie të aksioneve të LVMH të mërkurën, sipas llogaritjeve të Bloomberg.
Mundesh me e lexu edhe…
Arnault e kaloi Musk në dhjetor, pasi pasuria e tij u rrit për shkak të një bumi në shitjet e mallrave luksoze që ndihmoi në rritjen e çmimit të aksioneve të LVMH.
LVMH, një nga konglomeratet më të mëdha në botë, është shtëpia e markave duke përfshirë Louis Vuitton, Dior dhe Celine.
Ndërkohë, Musk ka shijuar një rritje në listat e të pasurve në botë vitet e fundit, pasi pasuritë e tij janë të lidhura drejtpërdrejt me ato të Tesla, prodhuesit të automjeteve elektrike. Pasuria e tij më e madhe është aksionet e kompanisë, nga të cilat ai zotëron rreth 13%, sipas Bloomberg.
Jashtë Tesla-s, Musk është gjithashtu CEO i SpaceX, firma e eksplorimit të hapësirës dhe pronar i rrjetit social Twitter (TWTR)
Përgatiti:
