Më 20 korrik të këtij viti, astronomët vunë re se kometa që po afrohej papritmas dhe në mënyrë të pashpjegueshme u ndriçua, domethënë u bë njëqind herë më e ndritshme. Bëhet fjalë për kometën 12P/Pons-Brooks, e cila u zbulua zyrtarisht në vitin 1812, e cila kohët e fundit, për shkak të thyerjes së mbeturinave dhe akullit, i ngjan Falkonit të Mijëvjeçarit – një anije kozmike nga Star Wars, një seri filmash fantashkencë.
Aktualisht, kometa është ende jashtë orbitës së Marsit dhe do t’i afrohet Tokës më 2 qershor 2024. Edhe pse ndoshta do të jetë e dukshme me sy të lirë për shkak të shkëlqimit të saj, ekspertët ende rekomandojnë përdorimin e dylbive. “Duhet të jetë e dukshme, sigurisht që do të bëhet edhe më e ndritshme, siç ndodh me kometat e tjera kur i afrohen Diellit”, tha për Business Insider Richard Miles nga Organizata Britanike e Astronomisë.
Duhet të theksohet vetëm se kjo formë e çuditshme e kometës nuk do të jetë e dukshme me sy të lirë, edhe nëse e vëzhgoni me dylbi ose një teleskop më të dobët. Nëse vendosni ta kërkoni në qiellin e natës, me siguri do ta shihni si një pikë të vogël të ndritshme, ose njollë.
Mundesh me e lexu edhe…
Astronomët ende nuk janë të sigurt pse kometa 12P/Pons-Brooks, e cila rrotullohet rreth Diellit çdo 71 vjet, është ndriçuar kaq dramatikisht javët e fundit. Miles beson se shkaku i kësaj mund të jetë një vullkan aktiv akulli në sipërfaqen e tij.
“Fakti që ka lëng brenda kometës është një ide revolucionare me të cilën shkencëtarët nuk mund të pajtoheshin për dekada. Por kur e shikojmë këtë kometë, nuk ka shpjegim tjetër përveç se brenda saj ka edhe lëng, së bashku me të substanca të ngurta dhe gazra”, tha ai.
Kështu, Miles shpalosi hipotezën se shkëlqimi u krijua pasi rrezet e diellit reflektuan jashtë materialit të nxjerrë nga vullkanet e akullit, shkruan Katror.info.
“Kometat dihet se janë të paparashikueshme, disa kanë pasur shpërthime të tilla të ngjashme,” tha astronomi Gianluca Masi i Projektit Virtual Telescope. Për shembull, kometa 29P/Schwassmann-Wachmann shpërtheu katër herë radhazi në vitin 2021 dhe bëri një shfaqje spektakolare.
Masi spekulon se kjo formë e pazakontë e patkoit, që të kujton Skifterin e Mijëvjeçarit, është për shkak të hijes së krijuar nga koma e pluhurit (mbështjellësi i mjegullt rreth bërthamës së kometës që së bashku me të formon kokën e kometës).
Astronomja Carrie Holt nga Universiteti i Maryland tha për Scientific American se kometa nxori rreth 10 miliardë kilogramë pluhur dhe akull gjatë “rënies” së saj në hapësirë. Edhe pse shkencëtarët kanë ditur për ngjarje të tilla për shekuj me radhë, Holt ende mendon se forma e 12P/Pons-Brooks është mjaft e çuditshme dhe shpreson që vëzhgimet shtesë gjatë afrimit të tij me Diellin do të shpjegojnë këtë formë të pazakontë patkoi.
Sido që të jetë shpjegimi, sigurisht që nuk janë alienët ata që vendosën të heqin “mburojën e padukshmërisë” nga anija e tyre kozmike dhe të njoftojnë mbërritjen e tyre. Siç kemi përmendur tashmë, kometa u zbulua në vitin 1812, dhe kalon pranë Tokës çdo 70 vjet. Ajo u regjistrua në vitet 1884 dhe 1954, dhe asnjë herë gjatë kalimit të saj afër Tokës nuk na kanë përshëendetur të “vegjlit me ngjyrë të gjelbër”. /Katror.info
Përgatiti:
