Jo rrallë na kujtohet sa me fat jemi me pas’ yje ndërkombëtarisht t’njohura që nuk pritojnë me e theksu se prej nga janë dhe me e njoftu botën për Kosovën (edhe Shqipërinë), historinë, kulturën dhe traditën shqiptare, gjuhën dhe elemente t’tjera që e karakterizojnë popullin tonë.
T’panumërta janë rastet kur yjet si Rita Ora, Dua Lipa, e Bebe Rexha pa hezitim përmendin me nostalgji momente t’veçanta t’kalume me miqë dhe familjarë ku elemente t’ndryshme t’kombësisë i kanë shti me u ndi krenar, e këtu nuk anashkalohen as rastet kur ata përmendin edhe ushqimet tona tradicionale, si ushqime dhe delikatesa t’cilat DUHET provu. Megjithatë, ne kësaj radhe kemi vendosë me ja dediku këtë artikull Action Bronson-it dhe kontributit t’tij n’promovimin e kuzhinës shqiptare.
I njohun si nji ndër reperët e parë me prejardhje shqiptare t’cilët ndërkombëtarisht kanë marrë njohje dhe famë, por edhe si nji gurman e kuzhinier specialist, Action Bronson mund t’konsiderohet si nji nga ambasadorët ma t’suksesshëm t’kuzhinës tradicionale shqiptare anë e mbanë botës dhe me t’drejtë.
Falë natyrës t’tij sa rrebele, tejet modeste aq edhe karizmatike, Bronson ka arritë me i vjedhë zemrat e shumë meraklive t’hiphop-it, por edhe meraklive t’ushqimit. Këto tipare jo veç që e veçojnë atë, por edhe kanë ba që ndikimi i tij t’jetë ma i thellë e kuptimplotë kur bahet fjala specifikisht për ushqim. Mos ta harrojmë faktin që nji gurman ka tendencë me i besu ma shumë nji gurmani tjetër, sesa nji ylli botnor që këndon, aktron apo kërcen, por që nuk njihet si merakli i ushqimit dhe kuzhinës.
Mundesh me e lexu edhe…
Kështu Bronson ka arritë me i eduku e informu fansat e tij jo shqiptar, për kulturën dhe traditën shqiptare pa tingëllu i bajatshëm – duke u dhanë atyre shpjegime dhe storje t’personalizume mbi eksperiencat e tij si njeri i rritun me halla e familje shqiptare dhe me ua zgju kurreshtjen atyre mbi ushqimet specifike,. Ai gjithashtu u ka dhanë mundësi me pa se çka vërtetë janë këto “delikatesa” – duke nda receta me ta dhe video-blogje mbi mënyrën e përgatitjes t’tyre. Videot ku ai gatuan pite, paçë, bakllavë e shumëçka tjetër e dëshmojnë se ai vërtetë asht adhurues dhe njohës i mirë i kuzhinës tonë tradicionale dhe që meraku për ushqimet tona vjen si rezultat i kujtimeve t’krijume qysh n’fëmijëri me familjarët e tjerë.
Duke e ofru jo veç perspektivën e tij mbi ushqimet tradicionale shqiptare, por edhe atë t’familjarëve, shoqnisë e rrethit, por n’veçanti neve (shqiptarëve t’Kosovës dhe Maqedonisë), Bronson u ka mundësuar ndjekësve t’tij me e kriju nji pasqyrë ma t’qartë mbi traditat dhe praktikat tona t’përgatitjes t’ushqimit, aq sa edhe ua ka zgju kurreshtjen për me i provu ato. Këtë ai e ka ba n’vazhdimsi duke shpërnda video t’ndryshme n’kanalet e tij n’YouTube, ku njanën prej videove ma t’klikume n’blogun e tij t’ushqimit “MUNCHIES” e kanë pa mbi 1.1 milion njerëz.
N’këtë video t’xhirume kryesisht n’Kosovë dhe n’Maqedoni, e që shpalosë detaje interesante e autentike t’jetës, por dhe gastronomisë n’Prishtinë, Bronson nuk ka hezitu aspak me e promovu kuzhinën tradicionale shqiptare dhe gastronominë vendore n’mënyrën ma t’mirë t’mundshme duke ndërvepru natyrshëm me pronarët, menaxherët, kuzhinjerët dhe qytetarët n’lokale t’ndryshme, sikurse janë lokalet e njohura si “Kafet e Rakisë”.
Bronson n’këto pak minuta shfrytëzon rastin me i njoftu fansat e tij me ushqimet tradicionale prej brumit; fila, pitet, paçat, petullat, burekët, gatesat e mishit; qoftet/qebapat, suxhuku, pleskavicat, turrshitë sikurse lakrat, por edhe prodhimet e freskëta vendore; mjedrat. Ai nuk kursehet me e nda përvojën e tij dhe t’miqve n’lokale e restorane t’ndryshme, por i përvjelë mangët dhe gatuan bashk me hallån e tij, duke e ba edhe ma t’kandshme e ma reale krejt ekspeditën e tij ushqimore shqiptare.
Promovimi i kuizinës tonë nuk përfundon me kaq, meqë n’këtë video-blog, reperi poashtu promovon rakitë dhe likerët e ndryshëm vendor – e që po ta mendojmë mirë e mirë, vërtetë ndikon n’rritjen e interesimit dhe konsumit për to – veçanarisht kur e mendon se çfarë ndikimi ka ky personazh globalisht.
Përderisa shtetet derdhin pare n’strategji e kampanja promovuese, Kosova ka fatin me pasë ambasadorë sikurse Bronson t’cilët pa hezitu e promovojnë me zell dhe n’vazhdimësi vendin prej nga vijnë, qoftë përmes rrjeteve sociale dhe kanaleve t’tyre, qoftë përmes intervistave dhe emisioneve t’ndryshme, por edhe përmes ftesave e vizitave t’cilat ata vendosin me ia ba shtetit tonë, Kosovës.
E me qenë se sot Kosova feston 15 vjet shtet, ne urojmë që përherë t’kemi arsye me iu gëzu kulturës dhe traditave t’tona, me i promovu ato dhe me vazhdu me e ndërtu imazhin pozitiv t’tonin me shembuj sikurse asht Action Bronson, Dua, Rita, Bebe, Ava e plot t’tjerë.
Kështu që, gëzoju 101 vjetorit t’pavarësisë t’Shqipërisë me 1 prej 7 ushqimeve t’tona ma t’shijshme tradicioanle e mos ja le keq as me ndonji pije. Ne ta rekomandojmë ndonji raki vendore, por po që se nuk je merak n’raki, mundesh me e përgatitë e me pi 1 Martini (n’kushte shtëpie), 1 “Strawberry Margarita”, ose 1 “Amaretto Sour” para se me dal n’mramje e me festu. Gezuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
