Agjencia për Informim dhe Privatësi (AIP) ka lansuar një platformë përmes së cilës do të identifikohet rrjedhja e të dhënave nga kontrolluesit publikë apo privatë apo nga vetë qytetarët, të cilët nga mosndërgjegjësimi i plasojnë të dhënat në internet. Kjo platformë do të identifikojë edhe rrjedhjen e të dhënave nga kamerat, shkruan RTK.
Krenare Sogojeva, komisionere në Agjencinë për Informim dhe Privatësi, tha se ajo çka është me rëndësi të njoftohet publiku është se platforma për një periudhë të shkurtër kohore të mbikëqyrjes së këtyre kontrolluesve përmes kësaj platforme është arritur të identifikohen 6 mijë kamera.
“Në 6 mijë raste në territorin e Kosovës ka të instaluara kamera të cilat kanë qasje të jashtme qoftë prodhuesi, qoftë ofruesi i shërbimeve të internetit apo kushdo që dëshiron më një numër IP-je të thjeshtë gjejnë numrin identifikues të kamerës dhe të njëjta mund të përdorën dhe në këtë mënyrë të rrezikohen edhe qytetarë tanë”, tha ajo për RTK.
Mundesh me e lexu edhe…
Në anën tjetër, Komuna e Prishtinës po vazhdon fazën e dytë të vendosjes së kamerave në hapësirë publike, të cilat do të monitorohen tërësisht nga Policia e Kosovës.
“Projekti i vendosjes së kamerave është një projekt 3 vjeçar në fazën e parë në vitin 2024 janë vendosur kamerat në 17 lokacione, në fazën e dytë do të vendosën edhe në 11 lokacione tjera. Në total do të vendosën në 23 pika në kryeqytet, pra në një pikë mund të vendosën disa kamera 2-3 kamera bazuar në vlerësimin që e bënë policia e Kosovës”, tha Lulzim Fushtica, drejtor i emergjencave në komunën e Prishtinës.
Agjencia për Informim dhe Privatësi, përmes platformës monitoruese, do të bëjë identifikim e kontrolluesve të kamerave e në rastet kur kontrolluesit kalojnë kompetencat. Atëherë rastet paraqiten në Policinë e Kosovës për të ruajtur sigurinë dhe mbrojtjen e të dhënave të qytetarëve./Katror.info
Përgatiti:
