U nxeh koha, ja nisëm me nejt në teraca, ama tu e ditë Kosovën sagllam ka mu ftofë prapë, kështu që ja ku e keni një Monday Marks të nxehtë me plot rekomandime. Baleti Kombëtar dhe Teatri Kombëtar kanë premiera; Po fillon Java e Frankofonisë me Oda Halitin në tetanin Oda; arkitektët dhe dashamirët e arkitekturës mujn me marrë pjesë ne SHARE forum.
Ka edhe ekspozite ne Europe House nga Ulpiana Kurtaj; dy evente elektronike në Tiranë Psysphere dhe Anfisa Letiago në Parkun Olimpik. E rekomandojmë edhe albumin e ri të Bletës Përtace por edhe numrin e ri të revistës Me Diell dhe krejt në fund edhe do kimchi të fermentume nga prodhuesit Toka, sa me spajsirat pak të përditshmen. A ju thamë që keni gjithçka!
Me pa: Shfaqja e baletit “Deadline” nga Baleti Kombëtar i Kosovës / Pallati i Rinisë, Prishtinë
Mundesh me e lexu edhe…
Na në Kosovë nuk e dijmë mo se çka osht gazeta se s’kemi gazeta të shtypuna, por mujm me përjetu atmosferën e punës në gazetë nëpërmjet baletit! Koxha koncept intrigues, por “Deadline” osht një balet bashkëkohor nga koreografi Sead Vuniqi, që ju çon në botën e një redaksie gazete në kulmin e epokës së artë të shtypit – vitet 1920 në një metropol evropian. Përmes një gjuhe lëvizjeje dinamike dhe ekspresive, shfaqja pasqyron energjinë dhe përkushtimin e këtij mjedisi të gjallë, ku bashkëpunojnë gazetarë dhe fotoreporterë, gazetarë të rinj, një magnat i shtypit, punëtorë, stenografistë dhe sekretare. Rezervoni datat 20 dhe 21 mars e mos e humbni rastin me pa këtë krijim të ri të Baletit Kombëtar të Kosovës.
Me marrë pjesë: Java e Frankofonisë / Kosovë
Frankofonë janë ata që flasin frangjisht, e Java e Frankofonisë osht java tradicionale vjetore dedikume kulturës, artit dhe gjuhës françeze dhe organizohet nga ambasadat e shteteve frankofone si Franca, Luksemburgu, Belgjika. Ka filma, muzikë, shfaqje, punëtori nga Prishtina deri n’Gjakovë, por kjo javë në Kosovë po fillon me një mbramje me muzikë nga DJ Oda Haliti dhe valltarët Unisson – Duo Démazure nga Parisi. Festa e madhe frankofone mbahet në teatrin Oda (haha! Oda n’Odë), me 21 mars, nga ora 19:00.
Me pa: Shfaqja teatrale “Te turpëruarit” / Teatri Kombëtar, Prishtinë
“Te turpëruarit” osht premierë musafire në Amfiteatrin e Teatrit Kombëtar të Kosovës, një bashkëpunim i artistëve teatror nga Prishtina dhe Tirana që trajton identitetin, kulturën dhe konfliktet ndërkulturore në shoqërinë moderne. Përmes dilemave të personazheve, shfaqja sfidon stereotipet, diskriminimin dhe paragjykimet, duke nxjerrë në pah sfidat e një shoqërie të diversifikuar dhe nevojën për dialog e reflektim mbi marrëdhëniet ndërkulturore. Regjisor osht Altin Basha ndërsa luajnë: Adrian Morina, Blerta Syla Surroi, Kushtrim Sheremeti, Aurita Agushi dhe Endrit Ahmetaj. Shfaqjen e keni me 17 dhe 18 mars në ora 20:00.
Me marre pjese: SHARE architecture forum / Prishtinë
Share Forum osht një seri ngjarjesh dedikume arkitektures që mbahen në krejt Europën lindore dhe jugore, ndërsa në Prishtine po organizohet për herë të katërt. Sipas organizatorëve, Share osht “një platformë e jashtëzakonshme që bashkon disa nga mendjet ma të ndrituna në arkitekturë dhe dizajn në krejt Europën. Ky event është portë drejt inovacionit, bashkëpunimit dhe frymëzimit, tu ofru një mundësi unike për me eksploru konceptet ma të avancume arkitekturore dhe idetë revolucionare që po ri-definojnë mënyrën se qysh projektojmë dhe përjetojmë hapsinat.” Programi fillon me 21 mars, ndërsa folës janë nga arkitektat lokalë si Gëzim Paçarrizi, Teuta Imeri e Burim BAjraktari e deri te Takehiko Iseki nga Zaha Hadid Studios, Peter Murrey, e Harry Dobbs, etj.
Me pa: Ekspozita “Hije Qiellore” / Europe House
Europe House po vazhdon me ngjarje dedikume “Muajit të Gruas”, këtë javë me ekspozitën “Hije qiellore” dhe bisedë me artisten Ulpiana Kurtaj. Ekspozita osht e kurume nga Shkamb Jaka & Laureta Hajrrullahu dhe hapet me 19 mars, në ora 19:00. Punimet e Ulpiana Kurtaj që i kemi pa ma heret janë portrete me laps, imazhe të gruas, etj e këto në Europe House “eksplorojnë identitetin, historinë dhe tregimet kulturore përmes artit të saj”. Pas hapjes së ekspozitës, do të mbahet një bisedë me artisten.
Me kcy: Psysphere / Underground, Tiranë
Nuk ka shpesh ngjarje me muzikë trance që na bjen me përmend, por këtë javë e keni Psysphere në Tironë. Sipas organizatorëve, “PSYSPHERE më 21 mars 2025 ju ton për një eksperiencë magjepsëse psytrance si asnjë tjetër! Lëreni ritmet pulsuese dhe meloditë hipnotike t’ju udhëheqin në një udhëtim kozmik.” Muzikën kanë me lëshu Afrodizzy, Gert Hard dhe Ssfinesse.
Me kcy: Event me Anfysa Letiago / Parku Olimpik, Tiranë
Anfisa Letyago është një DJ dhe producente me bazë në Napoli, e njoftun për stilin e saj unik të technos. Me energjinë e saj elektrizuse dhe setet dinamike, ajo ka fitu koxha popullaritet në skenën ndërkombëtare të muzikës elektronike. kombinon ritme hipnotike me një qasje moderne, duke krijuar një eksperiencë të paharrueshme për publikun. Organizatorët Folie Electronic janë tu pregaditë një show të veçantë në Tiranë, me skenë të madhe, lightshow impresiv, krejt këto në Parkun olimpik të kryeqytetit shqiptar me 21 mars. Mysafirë janë edhe Equinoxx & Xhorxho. Po duket si një mega-ngjarje, por kqyreni se biletat janë në përfundim.
Me dëgju: Albumi “Çka ki mu bo kur t’rritesh” nga Bleta Përtace
Ndoshta nuk e dini kush osht Blerton Albani, por duheni mu njoftu me muzikën e alter-egos së tij Bleta Përtace, njanit prej zanave dhe tekst-shkrusve ma intrigues në skenën e hip-hopit shqip sot. Derisa muzika e viteve të fundit koxha e njëtrajtshme ja ka nisë me u bo, e krijume për hiper-prodhim të hiteve të vere në diskoteka të diasporës, Bleta Përtace e ka qitë një album shumë ma intim, me fokus në rrëfime, rima lozonjare, referenca urbane të jetës së përditshme, me një super produksion dhe numër gjigant prej 23 tracks. Krejt kjo duket edhe ma impresive kur e merrni vesh që Bleta i ka veq 21 vjet. Mysafirë i ka edhe Singin (lexoni intervistën tonë me Singin këtu), Ledrin, Lyrical Son, por sendi jonë i preferum osht “Immortal” me Rinesancën, një tjetër yll që tash jeton në Kanadë, po që osht mjeshtre për tekste me tema lehtë të identifikueshme për neve mortalët. Jepni pak dashni pranverore Bletës dhe merrni dashni prej sendeve të tij se ka plot me nda me juve…
Me lexu: Numri 3 i revistës “Me Diell” / Botuar nga “Unë e du Kosovën”
Revista Me Diell sjelli freski në pejsazhin tejet të vobegtësum, mos të themi inekzistent, të shtypit periodik në Kosovë. Ekipi editorial po pregaditë përmbajtje gjithnjë e ma të pasun, me dizajn gjithnjë e ma të përpunum dhe eksperienca pe bon t’vetën: ky numër i revistës osht ma i miri deri më tash, me tekste nga kultura, arti, muzika, me ilustrime dhe recenzione dhe shkrime pak ma të gjata, për mëngjezet me kafe t’mirë dhe lexim t’mirë, qysh i ka hijo një qyteti që pretendon m’u kanë qytet. Sara Kelmendi na rikujton Poetin e madh Esat Mekuli, Vesa Sahatciu sjell intervistë me artisten Valbona Zherka, por keni edhe plot shkrime tjera… Revistën e gjeni te libraria Dukagjini, Soma dhe Tartine.
Me hanger: Lakna turshi koreane kimchi / Toka Fermentary, Tiranë
Krejt ‘na’ hajmë lakna turshi, ama s’jena veç ‘na’ që hajmë lakna turshi. Janë edhe koreanët që hajnë lakna të fermentume, veq ata i grijnë edhe i kanë të djegsta, ju qesin ma shumë erëza edhe ju thojnë kimchi. E nëse doni me provu kimchi me një shije të pasun, të tharbtë dhe djegëse, e që mundeni me përdor si shoqërues perfekt për dreka e darka të ndryshme, kqyreni prodhimet laknore të marum prej TOKA në Tiranë. Laknat e fermentume, përveç shijes unike, janë t’mira edhe si probiotikë dhe t’mira për tretje. Kështu që për me hangër këtë javë po ju rekomandojme një zgjedhje të shkëlqyme për ata që dojnë diçka të shëndetshme dhe plot shije! Toka ka edhe produkte tjera interesante, shpesh organizon edhe punëtori të ndryshme gastronomike, kështu që hidhjani një sy (edhe hanjani nëj tegëll kimchi!)
Pergatitur nga Suzanne Podcast./Katror.info
Përgatiti:
