Filmi “Barbie” dominoi në shitjen e biletave për fundjavën e tretë radhazi në kinematë e Amerikës së Veriut, duke e shtyrë vlerën globale të filmit të kapërcejë shifrën e një miliard dollarëve, për herë të parë në histori për një regjisore femër solo, tha të dielën vëzhguesi i industrisë Exhibitor Relations.
Filmi me regji nga Greta Gerwig ka hyrë në një entuziazëm kulturor: jo vetëm që bëri histori duke arritur fitimet miliarda dollarëshe në arkën e fitimeve, por gjithashtu e bëri këtë më shpejt se çdo film – përfshirë ata që janë bërë nga regjisorë meshkuj – në Warner Bros. “Një histori 100-vjeçare”, thanë drejtuesit atje.
Filmi, i cili më parë shënoi debutimin më të madh të vitit “ka rrëmbyer imagjinatën e shikuesve të filmave në mbarë botën dhe rezultatet janë tepër mbresëlënëse”, tha analisti Paul Dergarabedian i Comscore, shkruan DailyMail.
Mundesh me e lexu edhe…
Me aktoren Margot Robbie në rolin e kukullës ikonike Barbie dhe Ryan Gosling në rolin e të dashurit të saj, Ken, filmi fitoi 53 milionë dollarë (48.2 milionë euro) të parashikuar për periudhën e premte deri të dielën, për një total prej 459 milionë dollarësh (418 milionë euro) në vend dhe 1.03 miliardë dollarë (938 milionë euro) në mbarë botën.
Skenari i bashkë-shkruar nga Gerwig dhe partneri i saj Noah Baumbach, flet për Barbien teksa ajo lufton me tokën e saj të fantazisë të suvatuar me ngjyrë rozë, e udhëhequr nga një grua, duke u infektuar me probleme të botës reale, në një koment komik të vetëdijshëm mbi kulturën dekada të vjetra të kukullave.
Një kast mbështetës duke përfshirë aktorët: Will Ferrell, Kate McKinnon dhe America Ferrera i shtojnë edhe më shumë fuqinë yjeve filmit, ndërsa kolona zanore dhe temat muzikore të tij përfshijnë këngë të reja nga kryesuesit e top-listave si: Dua Lipa, Lizzo dhe Nicki Minaj.
“Barbie” është vetëm filmi i gjashtë që tejkalon shifrën e një miliard dollarëve fitimi që nga pandemia COVID-19, sipas Variety.
Në vendin e tretë u rendit filmi “Oppenheimer” i Universal, drama e errët historike, debutimi i të cilit në të njëjtën javë me “Barbie” ndezi trendin masiv të quajtur “Barbenheimer” në rrjetet sociale.
“Oppenheimer” bëhet filmi më fitimprurës i tematikës së Luftës së Dytë Botërore.
Ai u la në vend në tretë nga publikimi më i fundit i Warner Bros, “Meg 2: The Trench”, një vazhdim aksioni në të cilin Jason Statham përpiqet t’i mbijetojë sulmeve nga peshkaqenë gjigantë prehistorikë.
“Meg 2” fitoi 30 milionë dollarë (27.3 milionë euro) për fundjavën, ndërsa “Oppenheimer” i Christopher Nolan fitoi 28.7 milionë dollarë (26.1 milionë euro) për të çuar totalin e tij global në 552 milionë dollarë.
Ky total e bëri historinë e krijimit të bombës atomike filmin më fitimprurës të të gjitha kohërave me tematikë të Luftës së Dytë Botërore, përpara “Dunkirk” të vetë Nolanit (527 milionë dollarë/480 milionë euro) dhe “Saving Private Ryan” të Steven Spielberg (482 milionë dollarë/439 milionë euro).
Në përgjithësi, ishte një fundjavë e jashtëzakonshme për Hollywoodin, me katër filmat më të mirë që të gjithë fitojnë nga 28 milionë dollarë (25.5 milionë euro) ose më shumë — edhe pse industria e filmit po përballet me një grevë historike të skenaristëve dhe aktorëve.
Jo vetëm që filmat kryesorë iu afruan dyfishimit të totalit nga e njëjta fundjavë e vitit të kaluar, ata tejkaluan fundjavën përkatëse para pandemisë në vitin 2019, thanë analistët.
Siç mund të ketë thënë Ken – në një rresht që thuhet se është reklamuar nga Gosling në “Barbie” – fundjava ishte “Sublime!”./Katror.info
Përgatiti:
