Blert Morina, drejtor ekzekutiv në CEL Kosova, është njëri prej pesë të nominuarve për Çmimin Human Rights Tulip 2024 nga Ministria e Punëve të Jashtme e Holandës.
Kjo Ministri e ndan këtë çmim çdo vit për mbrojtësit e të drejtave të njeriut, për t’i mbështetur ata në angazhimin e tyre. Këtë vit, ministri Caspar Veldkamp do të shpallë fituesin më 12 dhjetor.
Blert Morina është Drejtor Ekzekutiv i Qendrës për Barazi dhe Liri për personat LGBTIQ+ në Kosovë, dhe aktivist i përkushtuar trans me përvojë mbi një dekadë përvojë në mbrojtjen e të drejtave të njeriut dhe avokimin për mirëqenien e komuniteteve LGBTIQ+ në Kosovë.
Mundesh me e lexu edhe…
Çmimi Tulip për të Drejtat e Njeriut, i themeluar në vitin 2008 nga qeveria holandeze, nderon individë ose organizata që demonstrojnë guxim të jashtëzakonshëm në mbrojtjen e të drejtave të njeriut. I dhënë çdo vit nga Ministria e Punëve të Jashtme, ky çmim mbështet aktivistët duke ofruar një skulpturë tulipani prej bronzi dhe 100,000 €. Ky financim synon të ndihmojë përfituesit të zgjerojnë punën e tyre avokuese, duke arritur dhe duke ndikuar në më shumë komunitete. Çmimi synon gjithashtu të përforcojë dukshmërinë e tyre ndërkombëtarisht, duke shpresuar të frymëzojë të tjerët në luftën për drejtësi dhe të drejtat e njeriut./Katror.info
Përgatiti:
