WhatsApp, një aplikacion i njohur globalisht, po teston një funksion të ri që do të përmirësojë sigurinë e përdoruesve gjatë thirrjeve me video. Ky opsion synon t’u ofrojë përdoruesve më shumë kontroll mbi mënyrën se si pranojnë thirrjet me video.
Për ata që nuk janë gjithmonë të gatshëm të zhvillojnë një bisedë “sy më sy”, lajmi është i mirë – WhatsApp është duke përgatitur një zgjidhje për këtë situatë.
Aktualisht, kur një përdorues merr një thirrje video, kamera e përparme aktivizohet automatikisht, duke mos ofruar mundësinë për të pranuar thirrjen pa e aktivizuar kamerën. Edhe pse kjo mund të jetë në rregull për disa, ka shumë raste kur përdoruesit duan ta mbajnë kamerën të fikur.
Mundesh me e lexu edhe…
Sipas analizës së versionit më të fundit beta të WhatsApp për Android, është zbuluar një opsion i ri me emrin “Turn off your video” (Fik kamerën tënde), i cili do të shfaqet kur përdoruesi pranon një thirrje me video.
Pasi të zgjidhet ky opsion, kamera do të mbetet e fikur, dhe thirrja do të zhvillohet vetëm në modalitetin zanor.
Për më tepër, përdoruesit do të kenë mundësinë të zgjedhin opsionin “Accept without video” (Prano pa video), duke i lejuar ata të pranojnë thirrjen pa u shfaqur në kamerë.
Nëse përdoruesi dëshiron të aktivizojë kamerën gjatë thirrjes, mund ta bëjë këtë në çdo moment duke zgjedhur opsionin “Turn on your video”.
Ky funksion vjen në një moment të rëndësishëm, sidomos pas rritjes së rasteve të zhvatjes dhe mashtrimeve përmes përmbajtjeve seksuale, të cilat përfshijnë thirrje video me përmbajtje të papërshtatshme.
Në Indi, për shembull, janë raportuar raste ku mashtruesit përdorin thirrje video për të kërcënuar viktimat me publikimin e përmbajtjeve eksplicite, duke kërkuar para në këmbim të heshtjes.
WhatsApp ende nuk ka shpallur një datë zyrtare për lëshimin e këtij funksioni, por përdoruesit mund të presin që kjo mundësi të jetë në dispozicion shumë shpejt./TAR
Përgatiti:
