Dardane Mehaj, shefe e sektorit për furnizim me barna dhe materiale medicinale në QKUK-SHSKUK, njoftoi se përkundër përpjekjeve, institucionet po përballen me mungesa të vazhdueshme të barnave dhe materialeve medicinale.
Në një intervistë për Ekonomia Online, Mehaj theksoi se, pavarësisht planifikimeve të sakta dhe furnizimeve tre-mujore, mungesat janë të pranishme, kryesisht për shkak të varësisë nga importet.
“Pavarësisht se edhe e kemi një problem që kur e dimë që kemi një sasi të bollshme dhe kërkesat janë të shumta, por ne kemi planifikim për secilin klinik dhe secilin spital se sa do të punësohet. Kemi pasur një qëndrueshmëri derisa të vjen kontrata tjetër e cila është në proces dhe se kjo ka qenë furnizimi i tre mujorit të fundit për kontratën që vetëm e kemi, vetëm e kemi kontratën e re dhe planifikimi është për 2025, planifikim prej vitit në vit ndërron, gjithmonë ekziston mundësi plus minus”, ka thënë Mehaj.
Mundesh me e lexu edhe…
Sipas saj, më shumë se 74% e barnave esenciale janë siguruar, por ajo shtoi se duhet të ketë më shumë stabilitet të qëndrueshëm në furnizimin me barnat.
“Përballemi me mungesa vazhdimisht përderisa edhe shtetet e zhvillime kanë probleme me furnizim kemi edhe ne. Ne nuk kemi tregun e brendshëm është një numër i vogël i prodhimit të brendshëm, gjithmonë kur varesh nga importet e jashtme gjithmonë kemi me pasur probleme. Është e po mundshme me realizuar një stabilitet të qëndrueshëm, qindra produkte shteti obligohet t’i sigurojë. Mbi 74 për qind ka qenë furnizimi me barna në kuadër të listës esenciale, 26 për qind që nuk kemi mundur të sigurojmë ka qenë prej probleme të ndryshme. Kjo mungesë nuk është asnjëherë në fajin tonë, nuk mund ta quaj vetëm fajtore pse nuk kam mbërrijë me i siguruar kontratat”, shtoi ajo.
Përveç kësaj, klinika e Onkologjisë ka arritur të sigurojë mbi 90% të furnizimit me barna, ndërsa disa produkte, si glukoza dhe hormonet për rritjen e fëmijëve, vazhdojnë të mungojnë.
“Përkundër që kemi 74 për qind furnizim me barna esenciale kurse mbi 80 për qind e material medicional prijnë me furnizim Klinika e Onkologjisë, e cila i ka produktet më të shtrenjta. Aty gjithmonë kemi pasur gjatë gjithë vitit mbi 90 për qind e furnizimit. Këto janë mungesa që ne ballafaqohemi në vazhdimësi, por ne nuk ndalemi dhe mundohemi të ofrojmë zgjidhje. Ne nuk kemi glukozë 5 përqindësh 500 mililitra, por kemi 5 për qind në 100 mililitra. Një prej problemeve me të cilat po ballafaqohemi është mungesa e produktit të hormonit të ri i cili është hormon i cili ndikon në rritjen e fëmijëve që kanë ngecje dhe probleme të tjera, fillimisht kemi pasur kontratë pas 25 për qind të realizimit është shkëputur për shkak të prodhuesit”, theksoi ajo për Ekonomia Online.
Ajo shtoi se çdo gjashtë muaj raportohet gjendja e produkteve me afat të skaduar dhe me sasi të mjaftueshme.
“Jo gjithçka sigurohet prej institucionet e shtetit, për shembull një pacient vjen me një problem shtrihet në spital dhe ai ka edhe disa sëmundje të tjera përcjellëse të cilët terapinë që duhet ta vazhdojë nuk e siguron shteti, këtu është dilema. Çdo gjashtë muaj ne kemi raport të gjendjes së saktë sa produkte i kemi me afat të skaduar, sa kemi sasi të mjaftueshme, ka pasur një ulje drastike të produkteve të cilave ua ka skaduar afati”, tha Mehaj./EO
Përgatiti:
