Çka na sugjeron Suzanne Podcast për këtë javë?

Janari merr hov me ekspozita të mëdha e të vogla, koncerte shqiptare e amerikane, poezi dhe muzikë, si dhe veshje të bukura nga dizajnere kosovare. Ja rekomandimet e javës së 3-të të 2025 nga Suzanne Podcats.

Koxha evente pat për këtë javë, shumë ma shumë se që na premton hapësina, kështu që e bonëm një përzgjedhje me gjithçka ka pak: prej ekspozitës së madhe dhe tradicionale ‘Gjon Mili’ në Galerinë Kombëtare (edicioni i 17!), hapje e Museum të Fëmijëve të Luftës nga YIHR, pastaj ekspozita e artit kontemporan kurume nga Tevž Logar në Galerinë 17. Keni edhe koncerte të muzikës bluegrass the folk nga bendi amerikan ‘Never Come Down’ në qendrën Defy Them, dhe jazz maqedon nga ‘Taxi Consilium’ në Kino Lumbardhi. Kemi edhe premierë në Qendrën Barabar, një shfaqja teatrale ‘Maids’ e Jean Genet me regjisore Ages Nokshiqi si dhe Festivalin e tretë të poezisë në Prishtinë.

Krejt në fund ju rekomandojmë edhe do punë individuale: kreacionet e modës nga studio ‘Vlerë’ dhe singlin e ri nga Luan Durmishi, me kombinim të elektronikës dhe muzikës tonë nga Kosova. Kënaquni, por mos u ndalni tu hulumtu edhe ngjarje tjera!

Me pa: Ekspozita Ndërkombëtare ‘Gjon Mili’, Galeria Kombëtare, Prishtinë

Galeria Kombëtare e Kosovës po fillon me ekspozitën e parë madhore të 2025, edicionin e 17 të Ekspozitës Ndërkombëtare të Fotografisë dhe Imazhit Lëvizës Gjon Mili. Ekspozita osht e kurume prej Valentine Umansky, nga Tate Modern, Londër. Ekspozita titullohet “…Ajo që ia thotë kangës…” dhe përfshin veprat e 23 artistëve, pjesa ma e madhe e tyne nga Ballkani, të përzgjedhun përmes një thirrjeje të hapun. Sipas kuratores, “koncepti i ekspozitës osht i frymëzum nga tepsia, praktikë muzikore tradicionale me rranjë në Kosovë, e performume kryesisht nga gratë. Kjo formë unike kombinon meloditë vokale me rrotullimin ritmik të tepsisë. Këtu, tepsia bahet metaforë e gjesteve të trashëgume – që janë përcjellë prej nanës te e bija – që lidhin gjeneratat me brezat e kalum.” Ekspozita fillon me 23 janar the vazhdon deri me 30 mars.

Me pa: Shfaqja teatrale ‘Maids’ e Jean Genet, regjisore Ages Nokshiqi, Qendra Barabar, Prishtinë

Ky ripërshtatje e “Shërbëtoreve” nga Jean Genet zhvillohet nëpërmjet 15 skenave eksperimentale që përzijnë koreografi, tekst dhe vallëzim. Historia eksploron marrëdhënien komplekse të dashnisë dhe urrejtjes midis dy shërbëtoreve, Madame dhe Monsieur. Të bllokume në cikle shërbimi dhe fantazie, shërbëtoret dëshirojnë liri, por mbeten të lidhuna nga dëshirat e tyre dhe dinamikat represive të pushtetit. Ndërsa kufijtë midis realitetit dhe iluzionit shuhen, rebelimi i tyre i çon drejt një përfundimi të pashmangshëm dhe tragjik. Shfaqja “Maids” osht e drejtume nga ma e dashtuna Agnes, she shfaqet me 22 she 23 janar në ora 20:00 në qendrën Barbara, te Hotelin Grand.

Me degju: Koncert nga Taxi Consilium, Kino Lumbardhi Prizren

Edhe Lumbardhi po fillon programin e 2025, me 25 janar në ora 21:00, me një jazz koncert nga ‘Taxi Consilium’, në mbrëmjen e parë muzikore sivjet të programit Off the Record në Kino Lumbardhi. Katërshja e Taxi Consilium me Dragan Todosiev në bateri, Filip Bukrshliev në kitarë, Blagojche Tomevski në klarinetë dhe Andrea Mircheska në double bass, njihen për interpretimet e tyne në skenën e jazz-it në Maqedoninë e Veriut sidomos për shkrirjen e veçantë të elementëve tradicionalë me ato modernë tu e rikriju një tingull të shqueshëm e të errët e me performanca që e marrin me vete audiencën. E pse bash ‘Taxi Consilium’? Të inspirum nga mençunia e taksistëve që udhëtojnë në orët e vona të natës, këta muzicientë e mendojnë “muzikën si një hapësinë ku artikulohen jetat e njerëzve që shpesh nuk vërehen, por që gjallojnë me shumë shpirt, me rebelizëm edhe në rutinë, në ilegalitet, në ekzaltim e në udhë të errëta.”

E bukur a?

Me mbajt në mend: Hapja e muzeut të fëmijëve të luftës, YIHR, Prishtinë

Kemi shkru edhe ma herët pë Nismës së Rinjve për të Drejtat e Njeriut që tashmë po vijnë me një nismë të randësishme dhe pikëlluese: hapja e Muzeut të Fëmijëve të Luftës. Ky projekt ka për qëllim “rujtjen e kujtimeve të fëmijnisë nga Lufta e Kosovës, tu siguru që përvoja personale e luftës të mos harrohet.” Muzeu ka me prezantu objekte personale, video-dëshmi dhe ekspozita të kurume që theksojnë përvojat e fëmijëve gjatë luftës çlrimtare 1998-99 në Kosovë. Hapja osht me 22 janar, nga ora 18:00, te zyrat e YIHR KS, Ekspozita e parë e ka emnin “Loja e ndërpreme” dhe “paraqet një udhëtim të fshehjes, ikjes në kushte ekstreme, ballafaqimin traumatik me humbjen dhe vdekjen, si dhe të situatës së krijume pas përfundimit të luftës.”

Me dëgju: Koncerti i “‘Never Come Down, Defy Them, Prishtinë

Moti s’kemi pas muzikë amerikane bluegrass në Kosovë. Eh, tash mundeni me dëgju në një mbramje të veçantë me grupin amerikan ‘Never Come Down’, të cilët kanë me performu në qendrën alternative Defy Them, të mërkuren me 22 Janar, në ora 20:00. Ky koncert organizohet në kuadër të bashkëpunimit ndërmjet me Ambasadën së SHBA-së në Prishtinë, që po sjellin projekte të diplomacisë kulturore. Bendi ‘Never Come Down’ sjell një përzimje të muzikës bluegrass, folk dhe americana, me një performancë që, siç thamë, rrallë mundet m’u përjetu në Kosovë.

Me marre pjesë: Festivali i tretë poetik i Prishtinës, Pallati i Rinisë, Prishtinë

Më 25 janar, nga ora 13:00, në Sallën e Kuqe të Pallatit të Rinisë, fillon edicioni i tretë i Festivalit Poetik të Prishtinës. Do të ketë lexime poetike, debate, paraqitje botimesh. Fokus sivjet do të jetë poezia shqip nga Maqedonia Veriore, ndërsa pjesë e festivalit do të jenë poetët e studiuesit: Ali Aliu, Agim Vinca, Nehas Sopaj, Punëtorie Muça Ziba, Lulzim Haziri, Shaip Emërllahu, Shazim Mehmeti, Vjollcë Berisha, Xhabir Ahmeti, Ahmet Selmani, Salajdin Salihu, Bardhyl Zaimi, Nurie Emrullai, Arlind Farizi, Fatos Rushiti, Valdeta Dulahu, Ismail Arsllani, shoqëruar nga artistët: Fitnete Tuda e Astrit Stafai.

Me pa: Ekspozita ‘PERCEIVE, RECORD, IMAGINE’, Galeria 17, Prishtinë

‘PERCEIVE, RECORD, IMAGINE’ osht emni i ekspozitës së parë për vitin 2025 në Galeria 17, që mbahet me datën 22 janar nga ora 19:00. Kurator osht Tevž Logar ndërsa artistët e ftum ekspozues: Jošt Franko, Blerta Hashani, Mila Panic. Çka thotë kuratori? “Tu u angazhu me tre tregimet e rrëfyme nga artistët e ftum, ekspozita inkurajon vizitorët me reflektu mbi mënyrat e veta të vëzhgimit, ruajtjes dhe rishpikjes së rrethinës së tyre, tu kriju një dialog midis përvojave individuale dhe temave që janë “shënu” në hapësinën që na rrethon.”

Me degju: Single “Hope Hope”, Luan Durmishi

Luan Durmishin e njofim ma shumë prej Filharmonisë së Kosovës, por ky tenor shkrun kangë dhe tash e një kohë po sjell edhe muzikë vetanake, nga pejsazhi muzikor i muzikës elektronike. Tash ka dal me një single të ri, të titullim “Hopa Hopa” me inspirim edhe nga folklori kosovar. Producent osht Tomor Kuçi e tekstin e kanë bashkëshkru Artrit Bytyqi dhe vetë Luan Durmishi. Beati techno, inspirimi vendor, performimi super, Duhani me downloadu për me ju dhezë për këtë javë të ftohtë janari.

Me veshë: Teshat nga studio e modës Vlerë, Prishtinë.

Dizajnerja Vlera Çoçaj dhe brendi i saj Vlerë, e ka koxha të gjanë diapazonin e koleksioneve me veshje dhe aksesorë mirë të mendume e mirë te prodhume. Koleksioni “Wish me luck” osht dimnor, i lansum para Vitit të Ri, por na hala jemi n’dimën, koxha ftoht e kena, edhe apsolutisht i kishim veshë do tesha me vlerë nga ‘Vlerë’, me tone të ngjyrave kafe, burgundi, kaltër qiellore, me detaje bukur të vendosuna, si pullat e hekurta apo aksesorë shumë urbanë. Krejt elementet janë si copëza andrrash të një dite dimni, ama lozonjare edhe me hinta të qiellit të hapun e të kaltër që na pret në pranverë./Suzanne Podcast