Fundprilli na solli fitore, mirënjohje dhe veprime të vogla që patën një ndikim të madh!
Prilli po i afrohet fundit, lulet kanë shpërthyer gjithandej, e bashkë me to edhe energjia për të bërë më shumë për veten dhe komunitetin. Në këtë atmosferë të ngrohtë, e përmbyllim muajin me edicionin e 10-të të newsletter-it tonë – një moment simbolik që na kujton pse e nisëm këtë: për të sjellë lajmet që na bëjnë mirë.
Këtë javë, gjithçka nisi me një lajm që na mbushi me krenari: Distria Krasniqi u shpall kampione e Evropës për herë të tretë, duke dëshmuar se kur puna dhe pasioni bashkohen, suksesi është i pashmangshëm. Por ajo nuk ishte e vetmja që na frymëzoi. U nderua një grua pioniere në shkencë, u mbollën pemë, u pastruan rrugë dhe u hap një debat i rëndësishëm për librat që lexojnë fëmijët tanë.
10 edicione më vonë, vazhdojmë të besojmë: e mira ndodh çdo ditë. Mjafton të dish ku të shikosh
Le t’i zbulojmë së bashku 5 më të mirat e kësaj jave:
Distria Krasniqi triumfon në Podgoricë – kampione e Evropës për herë të tretë!
Një tjetër faqe e artë në historinë e sportit kosovar u shkrua këtë javë nga Distria Krasniqi, e cila u shpall kampione e Evropës në xhudo, në kategorinë deri në 52 kg, duke fituar medaljen e artë në Podgoricë, Mal i Zi.
Distria e nisi garën pa luftë në raundin e parë, për të vazhduar me një fitore dominuese ndaj serbes Milica Nikolic, që u ndëshkua me karton të kuq pas gabimeve të shumta. Më pas, ajo vazhdoi të ishte e pandalshme: fitoi me ippon ndaj holandezes Naomi van Krevel në çerekfinale dhe përsëriti suksesin në gjysmëfinale ndaj spanjolles Ariane Toro Soler. Në finale, përballë italianes Odette Giuffrida, një emër që e kishte mposhtur edhe më parë, Distria tregoi klasë të lartë, duke e fituar me ippon dhe duke ia sjellë Kosovës medaljen e artë. Ky është titulli i tretë evropian për Distrinë – një emër që tashmë është sinonim i krenarisë kombëtare.
E artë për Kosovën, e artë në Evropën.
Për më shumë rreth këtij suksesi, mund të lexoni artikullin e plotë n’katror.
A po u jepen lektyra të duhura shkollore fëmijëve të sotëm?
Në një diskutim të zhvilluar me rastin e Ditës Ndërkombëtare të Librit, u publikuan gjetjet e raportit hulumtues “Shqyrtim kritik i lektyrave shkollore”. Ky raport, i cili bazohet në punën e vazhdueshme kërkimore të organizatës ETEA, ka analizuar tekstet e lektuar në shkollat e Kosovës dhe ka nxjerrë në pah shqetësime të rëndësishme, duke përfshirë gjuhën diskriminuese dhe përjashtuese, si dhe përfaqësimin e ideologjive seksiste.
Për nxënësit e sotëm, lektyrat që shpesh përmbajnë stereotipe gjinore dhe ideologji patriarkale mund të mos pasqyrojnë botën dhe interesat e tyre. Bora Puka, një nxënëse e klasës së shtatë, shprehet se preferon libra mistere që janë më interaktivë dhe të papritur, duke vënë në dukje se lektyrat tradicionale shpesh janë të parashikueshme.
Raporti thekson se përditësimi i lektyrave është i domosdoshëm për t’i dhënë mundësinë fëmijëve të lidhen më lehtësisht me botën e leximit dhe për të nxitur një kulturë më gjithëpërfshirëse dhe të hapur. Në këtë drejtim, ekspertët kërkojnë që tekstet shkollore të pasqyrojnë diversitetin dhe realitetet e jetës së fëmijëve të sotëm, duke i mundësuar atyre që të zhvillojnë dashurinë për leximin dhe të ndihen të përfshirë në botën që krijojnë librat.
Ky diskutim është një hap përpara në përpjekjet për të përmirësuar kulturën e leximit në Kosovë, duke siguruar që nxënësit të kenë mundësi të lexojnë libra që janë të përshtatshëm dhe tërheqës për ata
Për të mos mbetur me gjysmë, vazhdo leximin këtu!
Një iniciativë e frytshme për mjedisin, në Ditën Botërore të Tokës!
Në Ditën Botërore të Tokës, qyteti i Mitrovicës dha një shembull të shkëlqyer të angazhimit për mjedisin. Organizata 7Arte, në bashkëpunim me Komunën e Mitrovicës, mbolli 50 pemë përgjatë shetitorës së lumit Ibër, duke kontribuar në pasurimin e hapësirave të gjelbra dhe duke i dhënë qytetit një hap të ri për një mjedis më të shëndetshëm. Ky akt i vogël është një hap i madh për një të ardhme më të gjelbër!
Në këtë aktivitet mori pjesë edhe kryetari i Komunës, z. Bedri Hamza, i cili e përgëzoi nismën dhe theksoi rëndësinë e mirëmbajtjes së ambienteve publike, si dhe nevojën për zgjerim të gjelbërimit në të gjitha pjesët e Mitrovicës.
“Ky është një hap konkret drejt një qyteti më të pastër dhe më të shëndetshëm për qytetarët tanë”, tha ai.
Për të lexuar artikullin e plotë, mund ta vizitoni kutin’ tonë .
Një yll nga Kosova ndriçon në SHBA: Pranvera Hyseni fiton çmimin Dwornik për kërkime mbi asteroidët
Këtë javë, kemi një lajm të jashtëzakonshëm nga fusha e shkencës: Pranvera Hyseni, një emër i njohur në astronominë kosovare, u vlerësua me çmimin prestigjioz Dwornik në SHBA për prezantimin e saj shkencor mbi asteroidët. Në mesin e mbi 2 mijë pjesëmarrësve, Pranvera u dallua për punën e saj të jashtëzakonshme me NASA Infrared Telescope në Hawai.
“Si dikush që shpesh ndjen pasiguri gjatë prezantimeve para një audience shkencore, ky çmim ka një domethënie të jashtëzakonshme për mua,” tha ajo, duke falënderuar mentorët e saj, Dr. Myriam Telus dhe Dr. Andrew Rivkin, për mbështetjen dhe besimin në punën e saj.
Pranvera po e dëshmon se edhe nga një vend i vogël si Kosova, mund të arrihet universi – me pasion, dije dhe këmbëngulje.
Kutia jonë e lajmeve të mira e ka këtë histori – mos e le pa lexu:)!
Mbyllim këtë edicion ashtu siç e nisëm – me fuqinë, dijen dhe ndikimin e grave nga Kosova!
Këtë javë, u nderua një prej figurave më të rëndësishme të etnologjisë shqiptare – Drita Halimi Statovci, e para grua etnologe në Institutin Albanologjik dhe themeluese e studimeve etnologjike në Universitetin e Prishtinës.
Instituti Albanologjik i Prishtinës, përmes Degës së Etnologjisë, i ka kushtuar një tryezë shkencore veprimtarisë së jashtëzakonshme të profesoreshës dhe etnologes Drita Halimi Statovci – gruas së parë në këtë fushë brenda institutit dhe një nga zërat themelues të etnologjisë akademike në Kosovë.
Në këtë takim, të mbajtur në ambientet e Institutit, studiues, kolegë dhe bashkëpunëtorë të saj u mblodhën për të reflektuar mbi trashëgiminë e saj akademike dhe ndikimin e saj në studimet kulturore shqiptare. Në shenjë nderimi, profesoresha Halimi Statovci u vlerësua me mirënjohje nga ushtruesi i detyrës së drejtorit të IAP-së, Naim Berisha, si dhe nga shefja e Degës së Etnologjisë, Angjelina Hamza Hasanaj, e cila mbajti edhe fjalën hyrëse.Kontributi i Drita Halimi Statovcit është vlerësuar si një burim i çmuar frymëzimi dhe udhëzimi për gjeneratat e reja të studiuesve dhe etnologëve shqiptarë.
Gratë si Drita Halimi Statovci janë forca që e shtyjnë shoqërinë përpara, duke udhëhequr me dijen dhe guximin e tyre.
Shfleto historinë e plotë këtu!
Ky edicion i 10-të nuk është thjesht një numër – është një falënderim i madh për ty që po na lexon. Ti që na ndihmon me një klikim, me një ndarje, apo thjesht me një moment ndalese për të parë çka po shkon mirë.
Katror.info nuk do të ishte kjo që është pa lexues si ti – që kontribuon duke na ndihmuar të ecim përpara, duke i dhënë hapësirë lajmeve pozitive.
Fundprilli na gjen me pesë histori që tregojnë se ndryshimi ndodh edhe kur duket i vogël: një pemë e mbjellë, një shkencëtare që merr çmim ndërkombëtar, një grua që nderohet për rrugën që ka hapur për të tjerat.
Vazhdo me qenë këtu. Me pa, me reflektu, e me nda’ të mirën. Se ndonjëherë, më e madhja që mund me ndodhë – është me pa një grimë shprese, aty ku s’e kemi kërkuar:). /Katror.info
Contents
Fundprilli na solli fitore, mirënjohje dhe veprime të vogla që patën një ndikim të madh!Prilli po i afrohet fundit, lulet kanë shpërthyer gjithandej, e bashkë me to edhe energjia për të bërë më shumë për veten dhe komunitetin. Në këtë atmosferë të ngrohtë, e përmbyllim muajin me edicionin e 10-të të newsletter-it tonë – një moment simbolik që na kujton pse e nisëm këtë: për të sjellë lajmet që na bëjnë mirë.Këtë javë, gjithçka nisi me një lajm që na mbushi me krenari: Distria Krasniqi u shpall kampione e Evropës për herë të tretë, duke dëshmuar se kur puna dhe pasioni bashkohen, suksesi është i pashmangshëm. Por ajo nuk ishte e vetmja që na frymëzoi. U nderua një grua pioniere në shkencë, u mbollën pemë, u pastruan rrugë dhe u hap një debat i rëndësishëm për librat që lexojnë fëmijët tanë.10 edicione më vonë, vazhdojmë të besojmë: e mira ndodh çdo ditë. Mjafton të dish ku të shikoshLe t’i zbulojmë së bashku 5 më të mirat e kësaj jave:Distria Krasniqi triumfon në Podgoricë – kampione e Evropës për herë të tretë! Një tjetër faqe e artë në historinë e sportit kosovar u shkrua këtë javë nga Distria Krasniqi, e cila u shpall kampione e Evropës në xhudo, në kategorinë deri në 52 kg, duke fituar medaljen e artë në Podgoricë, Mal i Zi.Distria e nisi garën pa luftë në raundin e parë, për të vazhduar me një fitore dominuese ndaj serbes Milica Nikolic, që u ndëshkua me karton të kuq pas gabimeve të shumta. Më pas, ajo vazhdoi të ishte e pandalshme: fitoi me ippon ndaj holandezes Naomi van Krevel në çerekfinale dhe përsëriti suksesin në gjysmëfinale ndaj spanjolles Ariane Toro Soler. Në finale, përballë italianes Odette Giuffrida, një emër që e kishte mposhtur edhe më parë, Distria tregoi klasë të lartë, duke e fituar me ippon dhe duke ia sjellë Kosovës medaljen e artë. Ky është titulli i tretë evropian për Distrinë – një emër që tashmë është sinonim i krenarisë kombëtare.E artë për Kosovën, e artë në Evropën.Për më shumë rreth këtij suksesi, mund të lexoni artikullin e plotë n’katror.A po u jepen lektyra të duhura shkollore fëmijëve të sotëm?Në një diskutim të zhvilluar me rastin e Ditës Ndërkombëtare të Librit, u publikuan gjetjet e raportit hulumtues “Shqyrtim kritik i lektyrave shkollore”. Ky raport, i cili bazohet në punën e vazhdueshme kërkimore të organizatës ETEA, ka analizuar tekstet e lektuar në shkollat e Kosovës dhe ka nxjerrë në pah shqetësime të rëndësishme, duke përfshirë gjuhën diskriminuese dhe përjashtuese, si dhe përfaqësimin e ideologjive seksiste.Për nxënësit e sotëm, lektyrat që shpesh përmbajnë stereotipe gjinore dhe ideologji patriarkale mund të mos pasqyrojnë botën dhe interesat e tyre. Bora Puka, një nxënëse e klasës së shtatë, shprehet se preferon libra mistere që janë më interaktivë dhe të papritur, duke vënë në dukje se lektyrat tradicionale shpesh janë të parashikueshme.Raporti thekson se përditësimi i lektyrave është i domosdoshëm për t’i dhënë mundësinë fëmijëve të lidhen më lehtësisht me botën e leximit dhe për të nxitur një kulturë më gjithëpërfshirëse dhe të hapur. Në këtë drejtim, ekspertët kërkojnë që tekstet shkollore të pasqyrojnë diversitetin dhe realitetet e jetës së fëmijëve të sotëm, duke i mundësuar atyre që të zhvillojnë dashurinë për leximin dhe të ndihen të përfshirë në botën që krijojnë librat.Ky diskutim është një hap përpara në përpjekjet për të përmirësuar kulturën e leximit në Kosovë, duke siguruar që nxënësit të kenë mundësi të lexojnë libra që janë të përshtatshëm dhe tërheqës për ataPër të mos mbetur me gjysmë, vazhdo leximin këtu!Një iniciativë e frytshme për mjedisin, në Ditën Botërore të Tokës!Në Ditën Botërore të Tokës, qyteti i Mitrovicës dha një shembull të shkëlqyer të angazhimit për mjedisin. Organizata 7Arte, në bashkëpunim me Komunën e Mitrovicës, mbolli 50 pemë përgjatë shetitorës së lumit Ibër, duke kontribuar në pasurimin e hapësirave të gjelbra dhe duke i dhënë qytetit një hap të ri për një mjedis më të shëndetshëm. Ky akt i vogël është një hap i madh për një të ardhme më të gjelbër!Në këtë aktivitet mori pjesë edhe kryetari i Komunës, z. Bedri Hamza, i cili e përgëzoi nismën dhe theksoi rëndësinë e mirëmbajtjes së ambienteve publike, si dhe nevojën për zgjerim të gjelbërimit në të gjitha pjesët e Mitrovicës.“Ky është një hap konkret drejt një qyteti më të pastër dhe më të shëndetshëm për qytetarët tanë”, tha ai.Për të lexuar artikullin e plotë, mund ta vizitoni kutin’ tonë .Një yll nga Kosova ndriçon në SHBA: Pranvera Hyseni fiton çmimin Dwornik për kërkime mbi asteroidëtKëtë javë, kemi një lajm të jashtëzakonshëm nga fusha e shkencës: Pranvera Hyseni, një emër i njohur në astronominë kosovare, u vlerësua me çmimin prestigjioz Dwornik në SHBA për prezantimin e saj shkencor mbi asteroidët. Në mesin e mbi 2 mijë pjesëmarrësve, Pranvera u dallua për punën e saj të jashtëzakonshme me NASA Infrared Telescope në Hawai.“Si dikush që shpesh ndjen pasiguri gjatë prezantimeve para një audience shkencore, ky çmim ka një domethënie të jashtëzakonshme për mua,” tha ajo, duke falënderuar mentorët e saj, Dr. Myriam Telus dhe Dr. Andrew Rivkin, për mbështetjen dhe besimin në punën e saj.Pranvera po e dëshmon se edhe nga një vend i vogël si Kosova, mund të arrihet universi – me pasion, dije dhe këmbëngulje.Kutia jonë e lajmeve të mira e ka këtë histori – mos e le pa lexu:)!Mbyllim këtë edicion ashtu siç e nisëm – me fuqinë, dijen dhe ndikimin e grave nga Kosova!Këtë javë, u nderua një prej figurave më të rëndësishme të etnologjisë shqiptare – Drita Halimi Statovci, e para grua etnologe në Institutin Albanologjik dhe themeluese e studimeve etnologjike në Universitetin e Prishtinës.Instituti Albanologjik i Prishtinës, përmes Degës së Etnologjisë, i ka kushtuar një tryezë shkencore veprimtarisë së jashtëzakonshme të profesoreshës dhe etnologes Drita Halimi Statovci – gruas së parë në këtë fushë brenda institutit dhe një nga zërat themelues të etnologjisë akademike në Kosovë.Në këtë takim, të mbajtur në ambientet e Institutit, studiues, kolegë dhe bashkëpunëtorë të saj u mblodhën për të reflektuar mbi trashëgiminë e saj akademike dhe ndikimin e saj në studimet kulturore shqiptare. Në shenjë nderimi, profesoresha Halimi Statovci u vlerësua me mirënjohje nga ushtruesi i detyrës së drejtorit të IAP-së, Naim Berisha, si dhe nga shefja e Degës së Etnologjisë, Angjelina Hamza Hasanaj, e cila mbajti edhe fjalën hyrëse.Kontributi i Drita Halimi Statovcit është vlerësuar si një burim i çmuar frymëzimi dhe udhëzimi për gjeneratat e reja të studiuesve dhe etnologëve shqiptarë.Gratë si Drita Halimi Statovci janë forca që e shtyjnë shoqërinë përpara, duke udhëhequr me dijen dhe guximin e tyre.Shfleto historinë e plotë këtu!Ky edicion i 10-të nuk është thjesht një numër – është një falënderim i madh për ty që po na lexon. Ti që na ndihmon me një klikim, me një ndarje, apo thjesht me një moment ndalese për të parë çka po shkon mirë.Katror.info nuk do të ishte kjo që është pa lexues si ti – që kontribuon duke na ndihmuar të ecim përpara, duke i dhënë hapësirë lajmeve pozitive.Fundprilli na gjen me pesë histori që tregojnë se ndryshimi ndodh edhe kur duket i vogël: një pemë e mbjellë, një shkencëtare që merr çmim ndërkombëtar, një grua që nderohet për rrugën që ka hapur për të tjerat. Vazhdo me qenë këtu. Me pa, me reflektu, e me nda’ të mirën. Se ndonjëherë, më e madhja që mund me ndodhë – është me pa një grimë shprese, aty ku s’e kemi kërkuar:). /Katror.info
Përgatiti:
