Coca-Cola ka urdhëruar tërheqje masive të disa prej pijeve të saj në Evropë për shkak të shqetësimeve për nivele të larta të klorateve, një përbërës kimik që lidhet me rreziqe të mundshme për shëndetin, shkruan The Sun, përcjell Katror.info
Tërheqja prek produkte si Coca-Cola, Fanta, Sprite, Minute Maid dhe Fuze Tea, të cilat u prodhuan në fabrikën e kompanisë në Gent të Belgjikës mes 23 nëntorit dhe 3 dhjetorit 2024.
Klorati, një nënprodukt i dezenfektuesve me klor që përdoren për trajtimin e ujit, mund të pengojë thithjen e jodit dhe të çojë në probleme të gjëndrës tiroide, veçanërisht tek fëmijët. Ndërkohë që testet e pavarura sugjerojnë se rreziku është i ulët, kompania ka marrë masa parandalueses për të siguruar sigurinë e konsumatorëve.
Mundesh me e lexu edhe…
Tërheqja prek vende si Belgjika, Luksemburgu dhe Holanda, me disa sasi të kufizuara gjithashtu të dërguara në Francë, Gjermani dhe Mbretërinë e Bashkuar. Coca-Cola ka ftuar konsumatorët të kthejnë produktet për rimbursim të plotë. Kompania ka shprehur keqardhjen për këtë çështje dhe po bashkëpunon ngushtë me autoritetet shëndetësore për ta adresuar atë.
Autoritetet në disa shtete evropiane, përfshirë Danimarkën, Portugalinë dhe Rumaninë, janë njoftuar dhe janë duke zhvilluar hetime nga Bashkimi Evropian dhe Agjencia e Standardeve të Ushqimit të Mbretërisë së Bashkuar./Katror.info
Përgatiti:
