Përshtypjet pas iPhone 15 ende nuk janë ulur, dhe ne tashmë kemi informacionet e para për serinë e re të Google Pixel.
Rrjedhjet e para janë shfaqur në internet, duke na zbuluar se si do të duken Google Pixel 8 dhe Pixel 8 Pro, si dhe disa nga veçoritë. Fillimisht, renderet që dukeshin si “gjëja e vërtetë” u publikuan përmes faqes së “Android Authority”, dhe më pas Google publikoi fotot e veta të modeleve Pixel 8 dhe Pixel 8 Pro, nga kënde dhe me ngjyra të shumta.
Sipas këtij burimi, Google Pixel do të vijë në ngjyrën “rozë bozhure”, gri dhe “e zezë obsidian”, ndërsa Pixel 8 do të vijë në “kaltër qielli”, “porcelani” dhe “e zezë obsidian”. Tani për tani, duket se vetëm nuanca e zezë do të mbetet nga modelet Pixel 7 dhe Pixel 7 Pro.
Mundesh me e lexu edhe…
Renderet e postuara nga “MySmartPrice” tregojnë se si duken kamerat dhe sa dalin nga trupi i telefonit dhe përputhet me atë që ka postuar Google, kështu që ka shumë mundësi që renderet të jenë të saktë.
Ndër informacionet e brendshme janë ato që kanë të bëjnë me kamerat, pra karakteristikat e tyre. Tashmë e dimë se regjistrimi i fotove dhe videove do të jetë fokusi i modeleve të reja Pixel, por tani kemi më shumë detaje rreth tij.
Sipas një videoje të postuar nga “91mobiles”, veçoritë që vijnë përfshijnë “Video Boost”, “Night Sight” për video, më pas “Audio Eraser” për reduktimin e zhurmës së sfondit dhe “Magic Editor” për redaktimin e avancuar të fotografive.
Ne kemi ditur për disa nga këto veçori më parë, por videoja e zbuluar së fundmi duket sikur është bërë nga vetë Google (megjithëse nuk ka asnjë konfirmim, kështu që do të presim deri në prezantimin zyrtar). Ajo që mbetet për t’u parë është se cilat veçori, nëse ka, do të rezervohen vetëm për versionin Pro, i cili duhet të ketë opsione më të avancuara të kamerës./Katror.info
Përgatiti:
