Zyra e Presidentes së Republikës së Kosovës ka organizuar dy tryeza diskutimi me qëllim të themelimit të Komisionit Presidencial për Drejtësinë Tranzicionale, duke hapur rrugën për një qasje gjithëpërfshirëse ndaj të kaluarës dhe për ndërtimin e drejtësisë dhe pajtimit, shkruan Katror.info.
Tryeza e parë është mbajtur më 7 prill me pjesëmarrjen e përfaqësuesve nga misionet diplomatike dhe organizatat ndërkombëtare që veprojnë në Kosovë dhe janë të angazhuara në fushën e drejtësisë tranzicionale. Ndërkohë, më 8 prill, në tryezën e dytë janë përfshirë përfaqësues të institucioneve vendore dhe organizatave të shoqërisë civile, të cilat kontribuojnë aktivisht në këtë fushë.
Të dyja tryezat janë fokusuar në diskutimin dhe rishikimin e draft statutit të Komisionit, si një hap kyç drejt funksionalizimit të tij.
Mundesh me e lexu edhe…
Zyra e Presidentes ka bërë të ditur se, në vijim të këtyre diskutimeve, do të angazhohet në finalizimin e draftit të Statutit për të mundësuar themelimin zyrtar të Komisionit Presidencial për Drejtësinë Tranzicionale, si një mekanizëm që synon të kontribuojë në ndërtimin e një paqeje të qëndrueshme dhe drejtësisë për të gjitha viktimat./Katror.info
Përgatiti:
