Sot shënohet Dita Ndërkombëtare për t’i dhënë fund mosndëshkimit të krimeve ndaj gazetarëve (IDEI), e cila u shpall nga Asambleja e Përgjithshme e Kombeve të Bashkuara përmes një rezolute në vitin 2013.
Rezoluta e OKB-së u kërkoi shteteve anëtare të zbatojnë masa të caktuara që kundërshtojnë kulturën aktuale të pandëshkueshmërisë. Kjo rezolutë dënon të gjitha sulmet dhe dhunën ndaj gazetarëve dhe punonjësve të mediave.
Ajo gjithashtu nxit shtetet anëtare të bëjnë çmos për të parandaluar dhunën kundër gazetarëve dhe punonjësve të mediave, për të siguruar përgjegjshmëri, për të sjellë para drejtuesve autorët e krimeve kundër gazetarëve dhe punonjësve të mediave dhe të sigurojnë që viktimat të kenë qasje në mjete të përshtatshme juridike.
Mundesh me e lexu edhe…
Dita Ndërkombëtare për t’i dhënë fund mosndëshkimit të krimeve kundër gazetarëve u zgjodh si datë në përkujtim të vrasjes së dy gazetarëve francezë në Mali, më 2 nëntor 2013.
Me këtë rast Komisioni Evropian në një postim në Facebook ka shkruar se “Kur shtypi hesht, heshtin edhe zërat e njerëzve.”
Në Ditën Ndërkombëtare për t’i dhënë fund pandëshkueshmërisë për krimet kundër gazetarëve, ne solidarizohemi me zërat e guximshëm që i thonë të vërtetën pushtetit, veçanërisht në zonat e konfliktit, ku gazetarët përballen me rreziqe të mëdha.
“Megjithatë, vetëm fjalët nuk mjaftojnë. Akti ynë për Lirinë e Medias synon të mbrojë të drejtat dhe të promovojë zëra të ndryshëm, ndërsa paketa jonë për të luftuar paditë strategjike kundër pjesëmarrjes publike përforcon më tej angazhimin tonë për një shtyp të lirë dhe të pavarur. Një media e lirë dhe e pavarur nuk është një privilegj, por një domosdoshmëri absolute për demokracinë. Le të thuhet e vërteta, le të jetë i lirë shtypi,” thuhet në postim./Katror.info
Përgatiti:
