Doktorët e Spitalit të Gjilanit realizuan një ndërhyrje të rrallë kirurgjike

Doktorët në Gjilan, realizuan një ndërhyrje të rrallë kirurgjike, në repartin e Ortopedisë.

Lajmin e ka bërë të ditur faqja zyrtare e Spitalit të Përgjithshëm të Gjilanit në rrjetin social në Facebook.

“Në Spitalin e Përgjithshëm në Gjilan është realizuar një ndërhyrje e rrallë kirurgjike, në repartin e Ortopedisë.

Tek një paciente e moshës 33 vjeçare, u largua tumori agresiv beninj – Giant Cell Tumor (Tumori Gjigandocelular) nga regjioni i mbigjurit të majtë, tumor ky, që ishte konfirmuar me Needle Biopsi.

Pas qëndrimit disa ditorë në spital, pacientja lëshohet në shtëpi në gjendje të mirë shëndetësore.

Ekipi operator:

Dr. Veprim Presheva – Operator

Dr. Imran Shaqiri – Asistent

Dr. Rinor Velekinca – Asistent

Dr. Edon Zylfiu – Asistent

Dr. Selami Kurteshi – Anesteziolog

Ky tumor shumë i rrallë prek afërsisht një person në një milion banorë”, thuhet në njoftimin e Spitalit të Përgjithshëm të Gjilanit./Katror.info