Dolly Parton do të publikojë librin “Star of the Show: My Life on Stage” këtë vjeshtë përmes Ten Speed Press. I shkruar me Tom Roland, libri i ri përfundon trilogjinë autobiografike të këngëtares, e cila përfshin Dolly Parton, Songteller: My Life in Lyrics dhe Behind the Seams: My Life in Rhinestones. Parton kujton disa nga performancat e saj më ikonike në libër, duke përfshirë debutimin e saj në aktrim në filmin 9 me 5 të vitit 1980, turnetë e saj të suksesshme kryesore dhe shfaqjen e saj të paharrueshme të pjesës së parë të NFL 2023.
“I mbushur me zgjuarsinë dhe sinqeritetin e përzemërt të Parton-it, Star of the Show: My Life on Stage nuk është vetëm një homazh për një prej artistëve më të dashur të historisë, por edhe një artikull koleksionist i domosdoshëm për çdo fanse të së vetmes Dolly Parton”-thuhet në përshkrimin e librit. Ndërkohë në njoftimin e saj në Instagram, Parton shkroi, “Jam shumë e emocionuar që më në fund ndaj me ju librin tim të ri. Ky libër është një festë e rrugëtimit tim si interpretuese, e mbushur me histori personale, kujtime të dashura dhe foto të papara kurrë më parë nga më shumë se shtatë dekada në skenë”. Libri do të publikohet më 11 nëntor dhe tani është i disponueshëm për porositje paraprake.
Këngëtarja legjendarerealizoi një surprizë për një fans të saj, i cili po lufton me kancerin e zorrës së trashë. Sipas Washington Post, LeGrand Gold, i cili u diagnostikua me kancer të zorrës së trashë në 2019, shkroi një listë me 11 gjëra që donte të bënte para se të vdiste një vit më parë. Në vendin e shtatë ishte takimi me Dolly Parton. “Mendova se nuk do të ndodhte kurrë”,-tha ai për KSL-TV.
Mundesh me e lexu edhe…
Pasi gruaja e tij postoi dëshirën e tij në rrjetet sociale, Parton e bëri atë realitet pak para Krishtlindjeve. Mësohet se 48-vjeçari, baba i 5 fëmijëve, është shokuar kur ka dëgjuar zërin e saj. “Përshëndetje Elji! Unë jam Dolly Parton! Kam dëgjuar që je një fans i imi prej shumë vitesh dhe doja vetëm të të falënderoja për këtë”,-i tha këngëtarja./TAR
Përgatiti:
