Nëse je n’hall se çka me përgatitë për darkë – qe ideja e receta, ti veç implementoje! Kësaj radhe jemi t’u ta sygjeru nji recetë sa t’ngjashme aq edhe ndryshe prej specave t’mbushun e kungulleshave t’mbushuna me mish viçi. Kjo recetë ndryshe njihet edhe si versioni meksikan i specave t’mbushun, i cili shfrytëzon mishin e blum dhe përbërës t’cilët shfrytëzohen zakonisht n’tacos. Ama, definitivisht asht recetë që duhet provu.
N’daç me t’dal dreka ose darka fenomenale, patjetër ndjeki udhëzimet tona për përgatitjen e domateve t’mbushuna me mish viçi – versionin meksikan t’specave t’mbushun, t’cilat janë jashtëzakonisht t’shijshme, veçanarisht nëse je duke dasht’ me e mbledhë familjen për drekë a darkë, ose nëse ke ftu mysafirë pak ma special. E që kjo recetë nuk don shumë punë e tregojnë 3 hapat tanë.
PËRBËRËSIT:
8 domate
4 lugë gjelle vaj ullini
1/2 qepë (e grirë imët)
500 gr mish viçi (i bluar)
1 lugë çaji vegetë
1/2 lugë çaji kripë
1 lugë çaji biber i kuq
1 lugë çaji madganoz i thatë
Mundesh me e lexu edhe…
PËRBËRËSIT PËR SERVIM:
Salcë kosi (Opsionale)
Qepë t’reja (t’prera n’rriska)
Avokado e shtypur (Guacamole)
Kashkavall (i grirë)
- Advertisement -
HAPI 1:
Fillimisht pastroji domatet e largo me lugë e thikë brendinë e tyre. Sigurohu që pjesët e largume me i pse n’copa mesatare, kurse domatet brenda me qenë t’pastrume mirë prej farave.
HAPI 2:
N’tigan t’nxehtë shto vajin e ullinit bashk me qepët, mishin e blum’ dhe domatet e grira. Kavërdise masën për 5 minuta, shto erëzat dhe kavërdise prap masën për 10 minuta t’tjera – deri sa shumica e ujit t’shterrojë.
- Advertisement -
HAPI 3:
N’nji tepsi renditi domatet, mbushe secilën prej tyre me miksin e mishit t’blum’ me domate dhe vendosi n’furrë t’nxehtë paraprakisht për 5 minuta, n’200 C. Largoje tepsinë dhe servo.
REZULTATI:
Servoji domatet e mbushuna me pak kashkavall t’grirë sipër, pak qepë t’reja t’prera n’rriska dhe salcë kosi për ekstra shije. Mundesh me i shtu edhe guacamole (avokado t’shtypun) po deshe,
E n’qoftë se je n’dilemë me çka me i shoqnu këto domate, ne ta rekomandojmë me e provu sallatën mediterane t’lakrës, ose sallatën mediterane me patate; sallata këto që kombinohen n’mënyrën ma perfekte t’munshme me këtë super-pjatë.
Ndërkaq, nëse ke qejf me përfundu darkën me nji desert t’thjeshtë e fort t’shijshëm, përgatite Lava cake-un t’cilin e ke gati për 15 minuta. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
- Advertisement -
